العنوان : عداء الأم

القسم: #الاجتماعي

الرقم: 30

السؤال:

 

السلام عليكم

 

انا بنت 19سنه.مشكلتي بتتلخص ف والدتي.

 

ماما من زمان جدا في حرب معايا ، مش خوف ام طبيعي او تعامل بشده ولين.

 

لا هي دايما كرهاني بمعني الكلمه ودايما في وقت الخناق او الكلام العادي تقعد تدعي عليا وان ربنا ياخدني وقد ايه بتكرهني وكان نفسها مكونش اتولد وهكذا كتير جدا من اول ماوعيت مع اني بنتها الكبيره وعندي اختين اصغر بس هي بتحبهم جدا لدرجة مش طبيعيه .

 

ماما وبابا متعصبين وفهمين الدين غلط بس تقريبا الموضوع ده معايا انا بس معرفش ليه .يعني من وانا لسه ف Kg لو غلط غلطه صغيره انا واختي ادخل انا اوضه العقاب لوحدي وباخد علقه دايما بتتسبب في علامات دائمه 

 

ولغاية دلوقتي في السن ده مهما حصل انا الي اضرب واخواتي لا ولما اسال يقولولي هما بيقلدوكي او انتي الي قلتلهم كده.

 

طبعا من صغري بطريقه المعامله ديه ولاني دايما شيفه زعيق وصوت عالي من بابا وماما بس انا بالتالي طلعت عصبيه لاعلي درجه وعدوانيه وبدات مسكتش علي الضرب وبقيت ارد وازعق وبالتالي المشكله اخر مره وصلت ل8غرس ف رجلي ومقاطعه لمده شهر

 

وطبعا اخواتي من صغرهم متجنبيني شيفني نكره ومبيتعملوش معايا الا كل فتره وده بسبب حب اهلي ليهم وكرههم ليا كاني مش بنتهم.

 

والموضوع متسببلي ف عقد نفسيه كبيره ببان قدامهم قويه ومبقاش ياثر فيا وبستحمل كل العقابات بانواعها الي بتنزل ومبكلمش لكن بنام كل يوم مرهقه من كتر العياط ووجع قلبي.

 

 

اشترطوا لو عوزه اكمل تعليمي لازم اشتغل واصرف علي نفسي.وماما مبترضاش تديني جنيه في حين ممكن تصرف 1000 لو حد احتاج حاجه.احنا مدياتنا حلوه ..

 

لكن يوم مبنزلش اشتغل بيبقي لازم اشيل البيت كله..وكل ما اواجههم وقلهم بتعملوا فيا انا كده ليه يقولولي اسلوبك وطريقتك الي بتخلينا نعمل كده.

 

انا كل مشكلتي اني حاليا معنديش صحاب خاالص لاني ف عزله تامه ومش عرفه اتعامل مع حد.ثانيا انا لما بتعب مبلقيش حضن اترمي فيه من صغري او اي حنان وده سبب خلاني اتعامل مع ناس غلط كتير واقع في مشاكل بقففيها لوحدي ولو حد عرف بتهان جدا واتحبس لاكتر من شهر من غير كلام مع اي حد ..

 

انا بقيت بخاف من الناس جدا ومبقتش بعرف اتكلم الي هو كلام عادي كده .محدش بيبقي عارف انا ف ايه لان المنظر من بره بيدل علي حد حلو وشبه الكل لكن من جوه لا . الكل بينبهروا بكميه الكتب الي بقرأها والمعلومات الي عندي لكن محدش عاوز يحبني او يتعامل معايا خالص .

 

 

اشتكيت كذا مره لأخت ماما الكبيره الي دايما ماما بتحكلها كل حاجه وكانت بتصبرني واخر مره كان ردها صادم .مامتك بتغير منك من زمان ف حاولي تتماسكي وربنا معاكي.

 

مش فهمه انا عملت ايه لكل ده ماما وبابا ناس متعلمين ويبانوا من بره عاديين لكن انا بس الي شيفه ده كله منهم ليه؟!حاليا المفروض اخرج لسوق العمل بس لا في نصايح ولا مسندات ولا حتي الي اتعملت معاهم متقبليني .

 

انا اعمل ايه علشان اصلح حاجه معرفش الغلط فيها ايه؟؟

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

 

وعليكم السلام و رحمة الله  . .

 

مؤلم جدا والله اننا نقرأ رسايل زي كدة .

 

يعني ان كنا متعودين نوعا  علي رسايل الاب و الام اللي يشتكو من اولادهم  , وان قلبهم بقي قاسي عليهم  , فمش قادرين نتخيل الشكل اللي انتي بتقوليه ابدا , ولا نقتنع ازاي في ام بالشكل ده .

 

ان كان التفريق في المعاملة بين الابناء هي مشكلة اجتماعية كبيرة , وهتتسبب في أذي نفسي مستمر , فاللي انتي بتقوليه مش تفريق , ولكن مهزلة متكاملة الاركان .

 

وحتي بفرض ان فيه نسبة من المبالغة في كلامك , فحتي بعد حذف جزء من الكلام , يظل الوصف فوق المحتمل , و اكبر بكتير من ان اي حد يقدر يتخيله .

 

و ان الموضوع يكون بصورة الدعاء عليكي , و انها تقول في وشك ياريتك مكنتيش اتولدتي ,  و يصل للعقاب النفسي و البدني اللي بيتسبب في علامات , فديه جريمة مش قادرين نتخيل حدوثها بالوصف ده .

 

و طبعا العصبية المستمرة منهم , سواء بين بابا و ماما  , او معاكي انتي فده شئ غير محتمل , و هو اللي صنع بيئة نفسية مخيفة , عشان يترعرع فيها كل الاضطرابات السلوكية للشخص .

 

ولو كانت المعاملة ديه لكل الاولاد , فممكن نتفهم ان ديه مشكلة نفسية عند الام , لكن كمان ان يتم التفريق بينك و بين اخواتك , فمش قادرين بالفعل نفسر حاجة زي كدة .

 

 

وللأسف ان الموضوع اتطور بينكم في تبادل الزعيق و الضرب , ووصل الأمر لفتح رجلك و المقاطعة , وده شئ غير مقبول للاسف .

 

وللأسف كمان اخواتك تعاملو معاكي باسلوب سلبي , بعد ما اتزرعت الكراهية في قلوبهم , من فرق المعاملة الكبير .

 

 

وبالطبع عدم وجود حنان و حب من اللي المفروض تكون اقرب الناس ليكي , وهي الأم , بيجعلك تفقدي الامل اساسا في اي "حضن" و"حنان" من اي شخص تاني .

 

و اغلب اللي بيعانو من فقد حنان الابوين , بيكون صعب كتير عليهم انهم يتقبلو فكرة الحب السوي و الزواج , وبيجعلهم يفضلو المعيشة مع الوحدة التامة .

 

و التأثير المخيف اللي ممكن يحصل من المفارقة الكبيرة بين الي بتشعري بيه بشكل حقيقي (المعاناة المستمرة ديه) , و الشكل الخارجي ليكي (مع صديقاتك انك تضحكي و تتعاملي بطريقة عادية) .

 

لان الانسان اللي بيفصل بين نوعين متناقضين من المشاعر زي كدة , بيكون معرض بشكل كبير للاصابة بما يسمي "اضطراب ثنائي القطب" , اللي الناس بتسميه شيزوفرينيا . .

 

يعني ببساطة يكون ليكي شخصيتين , وذاكرتين , ووعيين مختلفين . .

 

ده مش بيتم اوتوماتيك للي بيعيش الظروف ديه , بل خلينا نقول انه امر نادر الي حد ما , ولكن للاسف الظروف ديه بتجعل الواحد في الطريق للاصابة بيه , وده شئ خطير .

----------------------------------------------------------------------------

 

طب الحل ايه ؟

 

اكبر عقبة في التفكير في الحلول او تطبيقها , انك عايزة تحافظي علي حاجتين مهمتين بالتوازي مع بعض  , من غير ما تفرطي في حاجة فيهم .

 

انك اولا لازم تطيعي امك و تبريها و معليش صوتك عليها , وتظهر كل مظاهر الحب و الاحترام بشكل دائم , لان ده امر رباني مفيهوش نقاش .

 

الحاجة التانية ان سلوكها لازم يتغير ولازم كل الاذي ده يتوقف منها , لان استمرار السلوك الغير طبيعي ده هيصنع عندك كمية غير معقولة من المعاناة النفسية  و الاجتماعية , وهيزرع داخلك و داخل اخواتك كراهية متبادلة رغما عنكم .

 

فانك تحافظي علي الحاجتين مع بعض , هو تحدي مش سهل , بس لابد منه , وده اللي هنحاول فيه بقدر الامكان .

 

 

وهنحاول في الحل اننا نسلك عدد من المحاور , مع المحافظة علي النقطتين اللي قلناهم ,و اللي يارب يكون ليها نتيجة ايجابية .

 

 

• التقييم الموضوعي لتعاملك .

 

• الطاعة الشديدة و الصمت ضد الأذي

 

• التفاهم و الاقناع .

 

 

 

• ادخال وسيط .

 

 

 

•  لازم تعالجي عصبيتك .

 

وكنا اتكلمنا بالتفصيل عن العصبية في رسالة كابوس العصبية

 

 

 

 

• تدخل العيلة .

 

 

 

• اياكي و العزلة .

 

وحاولي تقري المشكلة الي بعنوان العزلة الاختيارية

 

 

 

• اياكي و رد الاساءة .

وياريت تقري مشكلة  أبي يكرهني و حلها عشان قريبة شوية من كلامك