العنوان : الطفولة المؤلمة

القسم: #النفسي

الرقم: 89

السؤال:

 

مشكلتي العزلة والانطواء عن اهلي وكل ناس

سبب يرجع للماضي سيئ الي عشت فيه وبعدين مريت بعلاقات بزاف بدون جدوى فاشلة

 

حتى وصلت لي علاقات أكثر من عاطفيه مع شباب بعدين وقع لي مشكل وتركت الجامعة وهي حرقة في قلبي

 

مشكلتي بإختصار مش قادرة حس بحالي وعم انتقم من نفسي  حتى صرت اتأخر في أداء الصلاة والعبادات

وفي امور صعب احكيها لكن عارفه انها حرام بحاول اتركها

 

وبدات الازمةعندما كنت ادرس سنة 4 ابتدائي تعرفت ع اصدقاء جيراننا كانوا أبناءهم أكبر مني سننا وتعلقت في لعب معهم ، وفي احد الأيام تعلمت منهم اشياء لم اكن اعرف خطرها أنهم يأتون بقطع ليمون ويضعونها على المنطقه الحساسة للبنت، وصرت اعمل مثلهم ، وحتى عيدان الكبريت ، شيئ عندما أتذكره اقرف نفسي

 

وبعدين تعرفت على شب كانت علاقتي معه جيدة أحببته حب جما لكن تركني وانا في أمس الحجة ليه، وصرت ادخل علاقات كثيرة حتى وقعت في المخلطه مع كثير إلا أنهم كانوا يتسلون بي في منهم ب الكلام وفي منهم الخ

 

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

اهلا بيكي

 

انتي كنتي ضحية عدد من المجرمين , واللي دمرو حياتك و استقرارك النفسي بالتحرش بيكي و انتي طفلة , و انهم عرفوكي حاجات مش في معادها . .

 

ولو هنلقي بأصابع اللوم لحد – بعد كل مجرم أذاكي – فلازم نشير إلي أسرتك , اللي دورهم الأساسي المفترض هو مراعاة الطفل و مراقبته بشكل كامل , و التأكد انه بخير و محدش عمل له اي ايذاء . .

 

وأكبر مأساة لما يكون الاب و الأم مشغولين عن ابنائهم بشكل ما , ويظنو ان دورهم مقتصر علي تحضير الاكل و اعطاء المصروف و حتي متابعة الدراسة , ده للأسف قمة الجهل . .

 

دور أي اسرة هوالتأكد إن أبنائهم بخير , وان مفيش حد فيهم تم تعرضه لأي أذي بدني او نفسي او جنسي .

 

-----------------------------------------------------------------------------

 

وللأسف لما كبرتي مشيتي في مسار غير مناسب و غير سليم , كان طريقك طريق محفوف بالمآسي , واللي هي متعلقة بالتواصل مع شباب يفتقدون لأدني مقدار من الدين و الخلق و الحياء .

 

و ده اللي صنع أزمتك التانية , و اللي انتي بخبرتك الضعيفة , و حسن نيتك , كنتي بتظني ان الشاب اللي هيتذوق أنثي , هيستمر معاها , وللأسف ده وهم . .

 

اللي حصل ان من شاب الي شاب , تجرعتي مرارة المعاناة و كسر القلب مرارا , وده فاقم من حالتك النفسية و العصبية  . .

 

انتي مذكرتيش علاقتك ايه مع رب العالمين , وهل ملتزمة بالصلاة او قراءة القرآن ام لا , بس اظن ان العلاقة ليست علي ما يرام . .

 

و من هنا هيكون مدخل علاج المشكلة . .

 

------------------------------------------------------------------------------------

 

علاج مشكلتك يكون في كذا خطوة بالتوازي ارجو انك تلتزمي بيها بقدر الإمكان . .

 

• بداية المشكلة كانت من المسافة الكبيرة بينك و بين المولي تبارك و تعالي , و الحل كمان هيكون من نفس النقطة , انك لابد تقطعي  خطوة واسعة تجاه التوبة إلي الله , لازم بالفعل تعملي تغيير شامل في حياتك المأسوية ديه , قومي فورا و اعزمي علي التوبة لله , وثقي ان بابه مفتوح بشكل دائم .

 

وهنا رسالة شرحنا فيها تفاصيل التوبة بعنوان : لذة المعصية

​

وكمان هنا رسالة فيها ازاي تتخلصي من آثار ذنب كبير  بعنوان : الفرصة الأخيرة

 

 

 

• الخطوة التانية :  تعملي تغيير كامل في دائرة اصدقائك و معارفك , من الواضح ان اغلب الدوائر المحيطة بيكي هو افراد ذوي سلوك منحرف , او اخلاق ضائعة , واستمرارك في التواصل معاهم هيجعلك تعيشي معاهم في القاع مهما حاولتي المقاومة

 

 

• النقطة اللي بعدها انك تستكملي اركان حياتك الطبيعية , ارجعي كملي دراستك الجامعية , اعملي توثيق في علاقتك مع افراد اسرتك , اصنعي حالة نجاح في حياتك , عشان متحسيش انك عايشة في فشل و معاناة مستمرة

 

 

• لازم تصلحي من حالتك النفسية المدمرة , ولازم تخففي من وطئ التأثير السلبي المدمر اللي بتحسيه بشكل يومي , وياريت لو تقدري تروحي لطبيب نفسي او معالج نفسي , عشان يقدر يخفف شوية من المعاناة النفسية اللي انتي حاسة بيها

 

• اياكي تفكري في الإنتحار , هتخسري الدنيا و الاخرة مع بعض في لحظة حماقة , الباب مفتوح لاصلاح كل حياتك , بس انتي محتاجة ترتبي الامور مش اكتر

 

• حاولي تشغلي نفسك , يكون عندك برنامج يومي تملي بيه حياتك , عشان ميكونش فيه وقت للفراغ اللي هيزيد من معاناتك

 

 

ربنا يوفقك يا رب , ييسرلك الامر دايما