العنوان : الرعاية المفرطة

القسم: #النفسي

الرقم: 29

السؤال:

 

انا عندي نفس مشكله الثقه بس تقريبا كدا اني بدأت فعلا مرحله الشك وبقيت ف نصها وتعبانه جاامد بسبب الموضوع دا ووالدتي هي السبب ف كدا

 

خوفها الذياده عليا وتحكمها فيا خلاني اخاف من كل حاجه حواليا

 

انا عندي 19 سنه لحد 16 او 17 سنه كنت اقول حاضر ونعم بس كتييير انا تعبت فعلا ونفسيتي مدمرة وحياتي بايظه ووالدتي مقتنعه انها كدا خايفه عليا وانها مش متحكمه فيا لكن لا

 

انا تعبااانه بجد وبقيت اشك ف كل حاجه وبقيت وانا بعمل الحاجه حتى لو الحاجه دي صح ببقا خايفه من ردة فعلهم بقيت بخاف من الصح والغلط لدرجة اني فكرت اروح لدكتور نفسي بس مش هعرف اتابع معاه بردو

 

انا تعبااانه بجد ومحتاجه مسااعده

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

 

اللي عندك ازمة كبيرة من صنع والدتك , خوفها الشديد ليكي و حبها الكبير ليكي , دمرو شخصيتك تماما للأسف . .

 

و الاعراض اللي بتقوليها تتطابق بشكل كبير مع ما يسمي (اضطراب التردد المفرط)  و اسمه العلمي  (Aboulomania)

 

واللي الشخص المصاب بيه  , بيكون عنه تردد دائم من اي شئ بيعمله , وسببه القلق الكبير من نتيجة العمل ده . .

 

وده بيتم ازاي ؟ و بينشأ في الطفل ليه ؟ ؟

 

------------------------------------------------------------------------

 

طبيعي ان يكون الأبوين أشد الناس حبا لابنائهم , وطبيعي ان حبهم و حرصهم يجعلهم خايفين عليهم بشكل كبير. .

 

الا ان الاباء و الامهات الاذكياء , هما اللي بيجعلو ابنهم يتعرض بشكل تدريجي لمصاعب الحياة و مشاكلها , وهما عينيهم عليه من بعيد , و ده كنوع من التدريب علي مآسي الحياة و متاعبها , عشان لما يشب , ويقوي عوده ويبدأ يتعامل مع عقبات الحياة العديدة يكون جاهز و مستعد بالفعل . .

 

الا ان بعض الآباء و الأمهات , واللي هما اقل خبرة ,  واكثر قلق علي أولادهم , فهما بيصنعو حماية مستمرة , وبوتقة كبيرة تحمي ابنهم من كل المخاطر . .

 

وان كانت الحماية ديه مطلوبة لما يكون الطفل صغير جدا (اقل من 3 سنين) , وممكن نفهمها لما يكون اكبر شوية (من 3 الي 5) , فهي غير مقبولة ابدا لما الطفل يزيد عن كدة . .

 

لان الحماية  المستمرة ليه , بتجعله في اعتماد دائم  , واحتياج مستمر لحمايتهم و رعايته , طب هيعمل ايه لما يروح المدرسة ؟ هيعمل ايه لما ينخرط في دروب الحياة المتعبة . .

 

واحيانا بعض الآباء و الأمهات , بيقطعوا شوط اكبر في حماية و رعاية ابنهم  ,انهم مش بس بيحموه من المخاطر , ده كمان بيتخذو القرارات عنه  ,و بيصنعو منه كائن مشوه , عاجز انه يعمل اي شئ في حياته . .

 

يعني هيطلع طفل , يصلح بس انه يكون ولي عهد مملكة كبيرة , بحيث عنده اللي يعمله الاكل و يحضرله الملابس , و يتخذله القرار , ويساعده انه يطلع علي العرش و يبلس التاج . .

 

لكن مستحيل يكون قادر علي التعامل مع اي شئ من نواحي الحياة المختلفة . .

 

وكنا اتكلمنا قبل كدة في رسالة صناعة التدليل في كلام مشابه

​

 

و اللي قرأ رواية نجيب محفوظ "السراب" هيشوف ازاي الطفل "كامل" اتربي بشكل تام في حضن امه , واللي رفضت انه يعمل اي شئ او يتعب في اي حاجة في حياته , لغاية لما كبر و صار معقد نفسيا . .

 

فالشكل المرَضَي ده من التعامل مع الابناء , بيدفعهم لدهايلز الاضطرابات النفسية الحادة , وده للأسف اللي اصابك حاليا

 

------------------------------------------------------------------------

 

طيب عايزين نحل المشكلة  ؟ ؟

 

هنمسك المحاور اللي انتي ذكرتيها , ونشوف ازاي نقدر نحل كل واحد فيهم علي حدة . .

 

 

• الثقة بالنفس . .

 

طب ازاي نزود الثقة بالنفس  ؟ ؟

 

زي ما قلنا هنستخد طريقة : التعرض التدريجي لمواقف ناجحة . .

 

فلو عايزة يكون عندك ثقة بالنفس في موضوع معين , ابدئي جربيه بالتدريج واحدة واحدة , مع مواقف سهلة , عشان قلبك "يقوي" شوية , وتجدي ان الموضوع مش بالصعوبة اللي كنتي شايفاها . .

 

فلو انتي معندكيش ثقة في نفسك في موضوع "التعامل مع الناس" , فلازم تبدئي تتعاملي بشكل تدريجي مع ناس قريبة منك , وتشوفي ناس ابعد شوية وابعد كمان , لغاية لما تتعاملي مع ناس غريبة تماما

 

 

 

 

• الشك في كل حاجة . .

 

 

 

• الخوف من رد الفعل  . .

 

 

 

 

طب والعلاج ؟ ؟

 

انتي ذكرتي بنفسك فكرة الذهاب لطبيب نفسي , وهي  بالفعل مهمة , وانا مش شايف بديل عنها . .

 

لان للأسف الاثر السلبي اللي تم غرسه فيكي من الصغر , تخطي مرحلة "المشكلة" لمرحلة "الاضطراب النفسي" , واللي لو سبتيه هيتحكم في كل شئ في حياتك  . .

 

ان كانت والدتك , لقلة خبرتها  تسببت في أذي كبير عندك , فانتي مينفعيش تسكتي علي حاجة زي كدة , خاصة انك مش طفلة مغلوب علي أمرك دلوقتي . .

 

لابد تبحثي حالا عن طبيب نفسي متخصص في اضطرابات السلوك, وتشرحيله الاعراض بالكامل , وتقوليله انك شاكة ان عندك "Aboulomania" 

 

وقتها هو هيعمل الاختبار النفسي المطلوب , وهيحدد مدي وقوة وجوده عندك , ويبدأ في مراحل علاجية مستمرة . .

 

حتي الموضوع ان احتاج منك وقت او جهد او فلوس , فاياكي تستخسري او تكسلي , لان بالفعل الاضطراب ده هيدمر حياتك تدريجيا  . .

 

وفي نفس الوقت – او انتي كويسة في الانجليزي – اعملي بحث كامل عن كلمة Aboulomania , هتجدي كتب و مقالات و بحوث و محاضرات مهمة عنها , المحتوي العربي مش هتلاقيه كتير للاسف

 

ارجوكي متكسليش , مستقبلك بالكامل علي المحك