العنوان : وسواس الأم

القسم: #النفسي

الرقم: 79

السؤال:

 

السلام عليكم ورحمه الله وبركاته

تحيه طيبه وبعد

 

انا عندى مشكله تخص والدتى  هي سنها 58 سنة , وهي علطول حاسه ان كل الناس مش بيحبوها وكل الناس بتخاف من عنيها وبيخافو تحسدهم حتى اقرب الناس ليها ودا عكس الحقيقه تماما مفيش حد بيخاف منها وكل اللي حواليها بيحبوها دى حتى متخيله ان ولادها كمان مش بيحبوها وعلطول تتخانق معانا وتقول اننا مش بنحبها وبنخاف منها انها تحسدنا ودا طبعا مش حقيقي

 

هي كمان من سنين وهي بتتخيل حاجات متحصلش وبتصدقها زى مثلا من زمان وهي متخيله ان بابا بيخونها وعشان تقنعنا بكدا كانت بتخترع قصص وحكايات وبتصدقها وتتصرف علي انها حقيقه

 

بنحاول نخلينا تلتزم بالصلاة بس مش دايما ملتزمه بيها

 

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

وعليكم السلام و رحمة الله و بركاته .

 

والدتك عندها مشكلتين , حالة مؤكدة من اضطراب الوسواس القهري OCD  , وحالة محتملة من اضطراب الهلوسة , واللي بتجعل صاحبه يتخيل أحداث غير موجودة , واحيانا يشوف حاجات او يسمع اصوات غير حقيقية  .

 

وارد يكون عندها اضطراب الفصام  schizophrenia , لكن ده محتاج اختبار و مقابلة شخصية لتحديده .

 

والعلاج السليم و اللي المفروض يتعمل , هو ذهابها فورا للطبيب النفسي , لأن هو الشخص اللي يقدر يعمل تشخيص كامل للي هي حاسة بيه , و كمان يرشدكم لاساليب في المعاملة معاها , وممكن يكتبلها عدد من الأدوية اللي هتساعد كتير في الحد من اللي بتعاني منه .

 

لكن للأسف أغلب الناس اللي سنهم كبير بيكون عندهم رفض قطعي لفكرة الطبيب النفسي , فضلا عن أهلهم , واللي بالنسبة لهم كلمة طبيب نفسي معناها ان فلان بيخرف و اتجنن . .

 

وللأسف مع إن الذهاب للطبيب النفسي بالفعل شديد الأهمية دلوقتي , لكن احنا عارفين ان احتمال موافقتها هي او موافقة اسرتها علي ذهابها لن تزيد عن 1% , عشان كدة هنقولك عدد من النصايح اللي لو اتنفذت , هي مش هتحل المشكلة بس هتقلل منها بقدر الإمكان , طالما ده المتاح . .

 

نؤكد تاني , ان الحل الصحيح هو الطبيب النفسي , وان كل النصايح اللي هنقولها هي بس هتعمل تخفيف من المشكلة لكن مش هتحلها . .

 

-----------------------------------------------------------------------------------------

 

و النصايح اللي ممكن تتنفذ هتكون كالتالي :

 

 

• بشكل عام تجنبو ذكر الموضوع من البداية  . .

 

 

 

• تجنب محاولة إقناعها . .

 

 

 

•  إنها تنشغل . .

 

 

 

• ان يتم الرد بشكل عملي علي الوساوس ديه .

 

 

• بالنسبة للقناعة اللي في ذهنها الخاصة ان الوالد بيخونها  , فهيتم تطبيق النقطتين التانية و الرابعة معاها , ان من ناحية محدش يقنعها ان ده غلط , لان ده هيتسفزها عشان تجادل و تقاوح مع الشخص و تقتنع اكتر بالمفهوم اللي عندها , انتو بس اقفلو الموضوع

 

 

• و من ناحية يكون الرد عملي , باهتمام والدك بيها اكتر عشان يخليها تشك في القناعة اللي عندها , وتعرف ان مش بيخونها ولا حاجة

 

 

• نقطة اخيرة مهمة , حاولو معاها بشكل مستمر عشان تنتظم في الصلاة و قراءة القرآن , الخط الديني بيه تأثير مش قليل علي العلاج النفسي , ولو هي تركت لآيات القرآن تتداخل مع عقلها و روحها , هتحس من جوة بطمأنينة و راحة مستمرة

 

 

الف سلامة عليها و يارب تكون بخير