العنوان : عذاب الانطواء

القسم: #النفسي

الرقم: 23

السؤال:

 

المشكله ان انا مش اجتماعيه ودا مش عاجب بس كتير منهم صحابي الي بعدو عني بسبب كدا  وخطيبي الي بدا يتغير معايه بسبب سكوتي اغلب الاوقات

 

ايه الحل

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

 شوفي يا ستي

 

كونك مش اجتماعية  , ديه مشكلة في حد ذاتها  , وهتلاقيها هتتسبب في جر عدد كبير من الآثار السلبية النفسية و الاجتماعية عليكي . .

 

 

الشخص الانطوائي رغما عنه بيكون "عبئ" علي من حوله , سواء اقارب او اصدقاء او خطيب , و بيحتملوه فترة و بيظلو يحاولو معاه كذا مرة , لغاية لما ييأسو منه , وهيتركوه ببساطة . .

 

يعني ايه يتركوه ؟ ؟

 

 

يعني صديقاتك مش هيتصلو بيكي , ولا يطمنو عليكي , و لا يعبروكي . .

 

و خطيبك رغما عنه هيسيبك , معلش بس صعب علي شخص عادي انه يتربط واحدة "غير طبيعية" من وجهة نظره . .

 

اللي بيتجوز مش بيتجوز عشان يلاقي واحدة تطبخ و تغسل و تربي عيال  , لكن هو عايز "شريك" لحياته , يعني تكون معاه خطوة بخطوة , و معاه علي الحلوة و المرة , تفرح مع نجاحه , وتطبطب عليه في مشاكله . .

 

لكن انه يتجوز كائن صموت في البيت , مش بيتكلم الا نادرا , ده شئ يجنن بالفعل , وفورا هيسيبك مالم انتي تتغيري . .

 

و الغريب ان اكتر الانطوائيين مش بيطيقو يكون معاهم شخص انطوائي زيهم , لان صحيح هو انطوائي لكن هو محتاج اللي يهتم بيه و يرعاه و يسال عليه  ,فلو ان مثلا خطيبك او امك انطوائية زيك , هتلاقي نفسك بتضايقي , وحاسة بالاحتياج البشري للتعامل معاكي . . .

 

و لأن العطاء مش هينفع من اتجاه واحد , فمش هتلاقي حد يهتم بيكي ويتكلم معاكي وانتي رد فعلك صفر بشكل مستمر , يمكن يكون الاستثناء الوحيد هي الام , اللي هترعاكي مهما كانت حالتك , بس هل انتي هتعيشي معاها للابد ؟ ؟ مش هتتجوزي ؟ ؟

 

كمان مشكلة الانطوائي انه عرضة اكتر للاصابة بالامراض و الاضطرابات النفسية . .

 

لان اساسا علاج عدد كبير من المشاكل النفسية هو تبادل الحديث , و مناقشة الافكار ,و  اثراء الحوار  . .

 

لكن مشكلة الانطوائي انه سجين افكاره و وساوسه الخاصة  ,وانه عشان مش بيتكلم مع حد فهو بس بيتكلم مع نفسه و بصفة مستمرة طول اليوم . .

 

و ده معناه انه بيتكلم و بيرد علي نفسه و يرجع يقول الكلام  فعقله يرد عليه , وتظل الدائرة مستمرة حتي الوصول لمراحل خطيرة . .

 

وبالفعل عدد كبير من الاضطرابات النفسية , سببها الرئيسي ان الشخص مش بيكلم الا نفسه , وده اللي بيصيب عدد من اللي بيتحكم عليه بالسجن الانفرادي فترة طويلة . .

 

يعني بداية من ( عقدة النقص , لاضطراب الاضطهاد , لمرحلة الهلوسة , مرورا بالفصام (سيكزوفرينيا) , وليس انتهاء بالاكتئاب . . )

 

 

الكلام مش بقوله عشان اخوفك  . لكن عشان انبهك لخطورة الانطوائية , و تأثيرها السلبي الخطير علي حياة الفرد بشكل مستمر , واهمية انك تتخلصي منه . .

 

------------------------------------------------------------------------

 

و هنستعين هنا بمقال الكاتبة أمنية قلاوون عشان نذكر هنا عدد من الاعراض اللي بتصيب الانطوائي, واللي لو انتي لقيتي ان فيه عدد منها موجود عندك بالفعل , فده مؤشر لتواجده فيكي بالفعل . .

 

و علي قد قوة العناصر ديه و تواجدها فيكي بشكل اكبر , علي قد ما نسبة الانطوائية فيكي متطورة نوعا . .

 

• العزلة، وحب الوحدة.

• الابتعاد عن الأشخاص الذين لا يعرفهم.

• التصرف بحرية أمام العائلة ومن يحبهم

• هادئ وكتوم، عادةً لا يُظهر ما بداخله.

• يكتفي بعدد معين من الأصدقاء فتجد أصدقائه في الحياة ومعارفه محدودون.

• لا يحاول تكوين علاقات اجتماعية جديدة وروابط مشتركة بينه وبين الناس

• بعضهم مترددون وبعضهم واثق في نفسه بشكل مبالغ فيه.

• منتبه جيد إلى التفاصيل.

• دقيق في عمله، فكما يطلق عليه يعمل كثيراً ويتحدث قليلاً.

• يحب الاحتفال مع من يعرفهم شخص أو اثنين على الأكثر ولكنه لا يحب الأشخاص الكثيرة حوله.

• لا يحب المناقشة مع الآخرين في أفكاره ومشاعره، ويفضل أن يناقشها مع نفسه.

• عادةً لا يقبل النقد ويشعر بالتوتر والارتباك عندما ينتقده أحد.

• عندما يحزن يحب أن يكون بمفرده ولا يخبر أحد عن شكواه

 

 

لو واخدة بالك كل نقطة من دول لوحدها لا تعني الانطوائية , وممكن تكون موجودة عادي عن شخص اجتماعي , ولكن اجتماع عدد من النقط منهم مع بعض , هيكون مؤشر سلبي الي حد ما  . .

 

---------------------------------------------------------------------------

 

فيه طريقة تانية لتحديد هل انتي بالفعل عندك انطوائية ولا لا , وعندك بمقدار قد ايه . .

 

انك ببساطة تجاوبي علي الاسئلة العشرة دول , برقم معين لكل سؤال من 0 لـ 5 , بحيث رقم 0 لو الصفة مش عندك خالص , ورقم 5 لو الصفة موجودة بشكل كبير . .

 

الاسئلة هي :

 

1. أنا من يضفي البهجة والمرح على الحفلات.

2. أستمتع بكوني محور الاهتمام.     

3. أنا ماهر في التعامل مع المواقف الاجتماعية.

4. أحب أن أكون في قلب الأحداث المليئة بالنشاط

5. يسهل علي إنشاء صداقات جديدة.  

6. لا أكون هادئا وسط الغرباء.

 7. أحب لفت النظر إلى نفسي.

8. أحب الحفلات.      

9. لا أحب العمل مستقلا.      

10. لا أستمتع بقضاء الوقت منفردا

 

 

فلما تعملي درجة من 0 لـ 5 لكل سؤال , هتلاقي الدرجة النهائية هتتراوح من 0 الي 50  . .

 

يعني الحد الادني للنتيجة النهائية هيكون صفر للي جاوب علي كل الاسئلة بصفر , وهيكون 50 للي جاوب بالدرجة النهائية 5  لكل الاسئلة . .

 

ولو النتيجة عندك اقل من 15 فانتي بالفعل منطوية , ولو اعلي من 35 فمفيش اي انطوائية , ولو بينهم يبقي فيه نسبة معينة منها  . .

 

--------------------------------------------------------------------------

 

طب ماذا عن علاجها ؟ ؟

 

هنذكر عدد من الخطوات المهم تطبيقها بقدر الإمكان  . .

 

 

 

• الذهاب لطبيب نفسي . .

 

 

 

• زيادة الثقة بالنفس  . .

 

 

 

• التعرض المتدرج للانشطة الاجتماعية . .

 

 

 

• محاولة التعبير عن مشاعرك بشكل سليم . .

 

 

 

• التعرف علي من تتفوقي عليهم . .