العنوان : صعوبات الحياة

القسم: #النفسي

الرقم: 19

السؤال:

 

ازي اعمل عندي شخصيه قويه تقدر توجه صعوبات الحياه ؟ 

 

 زي الاقارب . والشغل . والمذاكره

 

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

 

سؤال واسع شوية , واخشي ان فيه خلط بين معنيين قريبين شوية من بعض .

 

الشخصية القوية , و النجاح في الحياة . 

 

الشخصية القوية , غالبا بتتقال علي اللي بيقدر بتعامل مع الناس باسلوب فيه نوع من الحزم , القوة , شوية سيطرة .

 

اللي ميسمحش لغيره انه يتحكم فيه , او يستهزئ بيه او يسخر منه  .

 

اللي غالبا بيكون قيادي في المكان اللي بيتواجد فيه , ولو شاف قدامه اي غلط بيوقفه تماما .

 

ولو حد شخصيته قوية , وهو نفسه غلطان فبيكون عنيد و بيقاوم اي محاولات للاصلاح او حتي النصح .

 

ديه تفاصيل الشخصية القوية , واظن مش هي اللي بتسالي عنها بالتحديد .

 

 

سؤالك عن فن مواجهة مصاعب الحياة , والتغلب عليها , وتحقيق انجاز فيها . .

 

وده اللي بنسميها "النجاح في الحياة" , وانتي هنا ذكرتي تلات مجالات (الاقارب , الشغل , المذاكرة)

 

ولأن دول تلات مجالات فيها نوع من الاختلاف بينهم  ,فاجابتنا هتكون مقسمة لتلات اجزاء . .

 

احنا مش هنقولك ازاي تنجحي في الحياة  , لان اجابته محتاجة سنين من الشرح والتفصيل  ,لكن هنقولك مجموعة من النصايح في كل مجال من المجالات ديه . .

 

و بمجرد ما تطبقيها بشكل ما , هتلاقي انك حققتي بالفعل انجاز ملموس  في المجالات التلاتة , وبقي عندك مؤشر ايجابي في كلا منهم  .

 

كل ده ملوش علاقة بالشخصية القوية , واللي غالبا ذكرها في سؤالك كان من باب خلط المعاني ببعضها . .

 

---------------------------------------------------------------------------

 

نبدأ بالأقارب .

 

هنحاول نسرد لك مجموعة من النصايح الحياتية , اللي بتنفع مع اي مجموعة من الاقارب عشان تحسني التعامل معاهم , وكسب ودهم , وتجنب اي شخص سخيف منهم  . .

 

 

 

• لازم تبدأي بمفهوم "بناء الرصيد" يعني يكون ليكي عندهم رصيد كبير من الود والحب و صلة الرحم , وانك بتسالي و تتواصلي معاهم و تخدميهم بشكل مستمر . .

 

• الاهتمام بالكبار . .

 

 

• عدم التبسط الشديد مع الأطفال . .

 

 

 

• التعامل الشخصي . .

 

 

 

---------------------------------------------------------------------------

 

طب ماذا عن المذاكرة ؟ ؟ 

 

لازم طبعا كنا نعرف انتي في كلية ايه , وهل بتحبي الكلية ديه ولا داخلاها و خلاص . .

 

ولأننا منعرفش النقطتين دول , فهنحاول نقولك مجموعة من النصايح العامة  :

 

حاولي تذاكر مع صديقتك , عشان تشجعو بعض

 

• لو مش بتعرفي تذاكري مع حد ,  يبقي اتجمعي معاها في نفس المكان , وكل واحدة تذاكر لوحدها , عشان محدش يكسل

• تجنبي الصديقات الكسولات او المستهترات او اللي وقتهم فاضي او اللي مكبرات دماغهم

• لازم تتحكمي في الوقت اللي بيضيع منك عشان ميزيدش عن الوقت المحدد

• فكري انك تذاكري في الكلية نفسها

• لما تذاكري اقفلي الوايفاي من البيت لو تقدري ,  او ابعدي الموبايل عنك بقدر الامكان

• تجنبي الغش في الامتحانات تماما حتي لو هتسقطي

​

​

--------------------------------------------------------------------------------

​

ماذا عن الشغل . .

 

برضه مش هنعرف نقول نصايح محددة لو معرفناش ايه طبيعة شغلك , وهل بتحبيه ولا لا , فهنقول كلام عام

 

 

• المثل بيقول اذا لم تعمل ما تحب , فحب ما تعمل .

 

• غالبا الانجليزي بيكون بوابة فرص عمل كتير احسن  ,فلازم تهتمي بيه , وياريت كورسات في اماكن كويسة مش تذاكري علي اليوتيوب

​

• هل فيه دورات متخصصة في مجال شغلك , بحيث لو اخدتيها تفيدك ؟

​

• فيه مجالات ممكن تتعمليها من البداية , مش مشكلة , فلو انتي موهوبة فيها هتبدعي , زي التصميم , الجرافيك , البرمجة , التدريس . .

​

•  احيانا فن عمل السي في , والاداء في المقابة بيفرق جدا , فلازم تتدربي عليهم

​

• اياكي تبيعي مبادئك او تعملي اي شئ محرم حتي لو صغير في سبيل النجاح في الشغل

​

• علي قد ما تركزي في وقت العمل و تبعدي عن الفيس , علي قد ما هتنجحي بمقدار كبير

 

​

 

​

---------------------------------------------------------------------------

 

انا مش عارف هل افدتك بالكامل ولا لا, جربي الخطوات و ان شاء الله يكون ليها تاثير ايجابي