العنوان : اضطراب نقص الانتباه

القسم: #النفسي

الرقم: 51

السؤال:

  

انا عندي بنت تقرى في السنوات اولى ابتدائي

 

نقريها بالمنزل عندما تروح للمدرسة ما تحب تشارك ما تمد اهتمام للمعلمة علما أن الواجب تبكي عليه في المنزل وترفض الذهاب للمدرسة بدون حل الواجب

 

معلمتها اشتكت منها عند الدرس تكون خارج النطاق تضع القلم في فمها وتشوف لمكان اخر بدون تركيز مع معلمته او اهتمام واشتكت أن صوتها ماترفعوش ابدا ولا تتكلم مع اصدقائها بنت ام ولد

 

 تحب تقعد وحدها مامم في الساحة معلمتها تقول انها عندها الإنطواء على نفسها برغم انها مدللى بالمنزل

 

اريد الرد من فضلك

 

*-*-*-*-*-*-*-*-*-*-*-*-*-*-*-*-*-*-*-*-*-*

 

 

الإجابة                    :

 

اهلا بيكي يا فندم

 

اللي بتحكي عنه هو نفس أعراض "اضطراب نقص الانتباه" اللي بيصيب عدد من الأطفال .

 

و الاضطراب ده شئ مش خطير , لكن يلزم التعامل معاه سريعا , عشان هيأثر جدا علي تحصيل الطفل و تعامله مع المجتمع , وبالطبع حالته النفسية  .

 

و هو اسمه العلمي  "Attention Deficit Disorder"  واللي بيتم اختصاره ADD

 

و الاضطراب ده ليه كذا شكل و نوع , لكن النوع الشهير منه , واللي واخد اغلب نسبة من المصابين بيه , هو ما يسمي "اضطراب نقص الانتباه و فرط الحركة" , واللي اسمه العلمي "Attention Deficit Hyperactivity Disorder "  . واختصاره ADHD

 

و ده اللي بيكون الطفل مشتت و مش بيركز  ,لكن بيصاحبه نوع من النشاط الزايد جدا , والحركة المستمرة , واللي بتجعل تركيز الطفل في حاجة معينة شبه مستحيلة .

 

و ده بيكون متشابه شوية مع أحد انواع التوحد , واللي برضه بيكون مصاحب لحركة و نشاط غير طبيعي , وكتير من الناس بتتلغبط بينهم , ومحتاجة متخصص للتفريق بينهم .

 

لكن علي كلامك ان بنتك هادية و منطوية شوية , وده يجعلنا نستبعد اصابتها بالـ ADHD , ولكن غالبا هي عندها نوع مختلف من "اضطراب نقص الانتباه" , واللي بيكون مرتبط بالانطوائية و العزلة

 

 

 

• صعوبة استمرار الانتباه والتركيز حيث يبدو الطفل غالباً كأنه لا يستمع لمن يتحدث إليه.

• لا يتبع التعليمات أو يكمل مهامه.

• يواجه صعوبة فى تنظيم المهام والنشاطات.

• يكره المهام التى تتطلب الجهد العقلى المتواصل.

• يفقد أغراضه المهمة بشكل متكرر.

• لا يهتم غالبًا بالتفاصيل وسهل التشتت وكثير النسيان

• يسرح دون ان ينتبه ويبدأ بالتفكير في مواضيع أخرى

• يتشتت انتباهه بصورة كبيرة

• صعوبة في التركيزفي محادثات او حتى في قراءة كتاب.

• صعوبة في إكمال المهام حتى البسيطة منها.

• تجاهل التفاصيل.

• النسيان المستمر للمهام او مكان وضع الاشياء.

 

 

فلو كان هي عندها عدد من الاعراض ديه  ,فده معناها انها بالفعل مصابة بالـ ADD

 

 و موقع "ويب طب" ذكر اختبار مهم , ممكن يتم تطبيقه علي الطفل , عشان يتعرف هل عن عنده نقص الانتباه ولا لا , وتفاصيله هنا 

 

 

 

طب ايه خطوات علاج الطفل اللي زي كدة ؟

 

 

لابد من الذهاب لطبيب نفسي متخصص , واي اقتراحات احنا بنقدمها هنا بتكون علي سبيل النصايح الجانبية , لكن ذهابها لطبيب نفسي متخصص  ,هو شئ لابد منه

 

و هنسرد هنا عدد من النصايح المهمة , واللي هتفيد بشكل مناسب في تطوير الطفل , بس نؤكد انها لن تغني عن الذهاب للطبيب المتخصص .

 

• البيئة المناسبة للطفل

 

واللي هيتم صناعتها عن طريق الابوين , واللي لازم يكونو متفهمين لحالة الطفلة , وميكونش في اي ضغط او لوم او عتاب ليها , هي بتعاني وانتو لازم تساعدوها

 

 فلازم الطفل يعيش في بيئة أسرية خالية من المشاكل والضغوطات والانفعالات الزائدة , وبالطبع البعد عن التخويف او العقاب او الضرب , لان ده بيزود مشكلة الطفل

 

 

• التخفيف من الفروض والواجب المنزلي .

 

لابد من مراعاة ان حالتها خاصة , فيتم عمل اتفاق مع المدرسين علي تخفيف الواجب عليها , ويكون ابسط و اقل من العادي , وميكونش فيه عقاب من المدرس لو متمش الواجب نفسه

 

• الاهتمام بالطفل

 

لابد من الاب و الام و المدرس ان يكون فيه اهتمام و متابعة مستمرة للطفلة , عشان تحس بالرعاية و الحنان اكتر

 

• التواصل البصري

 

عند التحدث مع الطفل لازم يكون الاتصال البصري بينه وبين الوالدين بالنظر مباشرة إلى عين الطفل عشان يركز في اللي  بيخاطبه ويتلقى المعلومة بالصورة الصحيحة.

 

• عمل جدول دراسي مناسب يتم تنفيذه بعد العودة من المدرسة بحيث يتم تحديد الوقت لإنهاء الواجبات المنزلية والدراسية وأوقات اللعب والالتزام به بقدر الامكان

 

 

• اختيار المكان .

 

احيانا بيكون مناسب يتم عمل الفروض المدرسية في مكان مفيهوش شباك مفتوح  ,او لوحة مرسومة  او حاجات تشغل بال الطفل , عشان يكون المكان مهيئ و مساعد بس للتركيز في الواجب المدرسي

 

• الحوافز الايجابية .

 

لازم على الوالدين تجنب التخويف والعقاب والميل إلى زيادة الحوافز والترغيب وتفهم حاجاتهم وسلوكياتهم العفوية التي تساعدهم على الانضباط والهدوء.

 

والحوافز تكون باهدائها الشي اللي بتحبه  , لما هي تقدر تعمل الواجب المدرسي او تركز فيه

 

• اخراج الطاقة  السلبية اللي عندها , عن طريق اللعب و الترفيه او الرسم او الهوايات , بس بلاش مشاهدة التليفيزيون او الموبايل كتير , يعني لعب يدوي مش مشاهدة

 

 

• من المهم جداً انها تندمج مع اطفال في نفس عمرها عشان تتواصل معاهم وتكون صداقات في مجتمعها.

 

---------------------------------------------------------------------------

 

لو انك بالفعل طبقتي الخطوات التسعة اللي فوق , وبالتوازي ذهبتي بيها لطبيب نفسي , هتلاقي ان حالتها هتبقي احسن كتير ان شاء الله

 

 

وهنا تفاصيل مهمة عن نفس الموضوع