العنوان : بديل للضرب

القسم: #النفسي

الرقم: 20

السؤال:

 

كنت عايزه معلومات ازاي اتعامل مع الطفل بحكمه من غير ضرب  لاني عارفة الضرب صفه وحشه

 

انا بقوم بتدريس اطفال , ذوي صعوبات تعلم

 

وفي الاوقات باستخدام اسلوب الشده بالصوت العالي للانتباه

 

وانا مش قابله فكره الضرب  و عايزه طرق تانيه للتعامل

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

 

الأطفال اللي عندهم صعوبات في التعلم  ,لابد من معاملتهم بشكل مختلف شوية عن الأطفال العاديين . .

 

يعني ان كان فيه مساحات مشتركة لا شك فيها , بين الاطفال العاديين ,  والاطفال اللي عندهم صعوبات التعلم , ففيه كمان مساحات اختلاف , لابد يدركها المتعامل معاهم . .

 

ولازم كمان المتعامل معاهم يفهم الفروق و الاختلافات الموجودة بين الانواع العديدة اللي بتواجه الاطفال من النوع ده . .

 

لان اساسا مينفعش تم وضع الجميع في بوتقة واحدة و التعامل معاهم بنفس الأساس . .

 

 

أحيانا بيكونو عندهم نوع من الحساسية المفرطة , ودول محتاجين حب و حنان اكتر . .

 

احيانا بيكون عندهم عصبية و جرءة و "بجاحة" اكتر , ودول محتاجين حزم بنوع معين . .

 

احيانا بيكونو هاديين جدا و ساكتين و انطوائيين و في حالهم , ودول محتاجين نوع من "اجتذابه" لمساحتك , واخراجه من "قوقعته"  . .

 

احيانا بيكون عندهم نوع من العند و الاصرار علي رأيه , ودول محتاجين التفاهم و الاقناع , وشوية حزم  . .

 

احيانا بيكون العائق هو عائق "أسري" واللي تسبب في انتكاسة لهم  , ودول لازم يتم تفهم مشكلتهم الاسرية من الاساس للتعامل علي اساسها . .

 

احيانا بتكون المشكلة ان قدرته الاستيعابية "قليلة جدا" , وديه محتاجة اكبر قدر من تبسيط العلوم لهم , والتعامل بشكل تدريجي تماما في اختيار المعلومة اللي يتم تدريسها . .

 

احيانا بتكون المشكلة في "السرحان" و "الشرود" المستمر , وديه محتاجة نوع من "الجذب" المستمر للانتباه , وتجنب الطرق العادية في التدريس . .

 

وممكن يكون عنده "فوبيا" من شئ معروف او شئ انتي مش عارفاه , فلازم يتم التعامل معاه بالشكل العلمي مش بالخبرة و السليقة و خلاص . .

 

-------------------------------------------------------------------------------

 

والكارثة اللي بتصنعها بعض المدارس او المؤسسات , انهم بتضع جميع انواع الاطفال في فصل واحد , ويدخل المدرس عشان يعمل تدريس لـ "أطفال ذوي اعاقة ذهنية" زي ما هو متخيل . . .

 

و المصيبة ان مع اختلاف الانواع , لازم تختلف طرق التعامل اساسا , و تختلف الكيفية اللي بحاول اتعامل مع مشكلته , فمستحيل مدرس يقدر يتعامل مع 3 او 4 انواع مختلفة بنفس الكيفية , لان لو طبطبت عليهم ده هينفع ناس و هيأذي ناس , ولو كنت حازم معاهم فده هينفع ناس و هيأذي ناس . .

 

ولأن ده شئ مش بايدك انتي , لكن قرار المدرسة لاسباب اقتصادية او اجتماعية , فانتي لو وجدتي في المؤسسة اللي انتي فيها ان فيه خلط بين الاطفال و انتي مش عارفة تغيريه  ,فحاوي تعوضي ده بانك تعملي معاملة شخصية مختلفة لكل طفل حسب حالته  . .

 

و بالتالي لازم في الاساس يكون عندك دراسة  وافية لكل نوع من انواع "الإضطرابات" ديه , وعارفة ازاي تشخصيها فورا لما تشوفيه , وتتعاملي معاها . .

 

فتكوني عارفة ان "هند" منطوية , بينما "هبة" عصبية زيادة , اما "علاء" فهو شارد و سرحان , و "هاجر" عندها بدايات الاوتيزم . .

 

وبالتالي لما تتعاملي بشكل شخصي مع كل واحد وواحدة فيهم , تكوني عارفة بتعملي ايه . .

 

ديه مقدمة لابد منها في التعامل مع الفئة ديه من الاطفال . .

 

 

 

ان كان الضرب في التعامل مع الأطفال العادييين ليه عدد من الأطر و المعايير اللي لازم تكون في بالنا  , واللي بتدور اغلبها حولين عدد من النصايح زي :

 

• الأصل ان الضرب ممنوع , والاستثناء قليل جدا

 

• كتر الضرب بيصنع مشاكل عديدة عند الطفل زي  : الخوف , الكذب , الكراهية , العصبية , العنف , الانطواء

 

• الضرب لو تم استخدامه فيكون بمعايير معينة  ,يعني لما يكون هو اتنصح بالفعل مرة و اتنين و تلاتة و هو لسة مصر , ساعتها يتم عمله  , لكن بتعقل

 

• الضرب ميكونش علي الوش ابدا , ولا علي مكان يأذيه , يعني المسموح بيه اللي يعمل نوع من العقاب مش الأذي الكبير

 

• لازم الطفل يكون فاهم قبل ما يتضرب هو بيتضرب ليه , و ايه السبب , وانه تم تحذيره بالفعل قبلها

 

• لازم يتم مزج الضرب مع اساليب تانية , زي الغضب , واللوم , والنظرة الصامتة ليه , والحب  , والاحتواء , وعقابه بحرمانه من شئ بيحبه

 

• المزج ده يتم بفن , بحيث يكون الضرب من الاساليب المستخدمة بشكل نادر

 

• الضرب النادر ده ميكونش قدام حد ابدا , لازم بينك و بينه , لا قدام حد اكبر ولا اصغر منه عشان متتكسرش نفسه

 

---------------------------------------------------------------------------

 

ان كانت ديه هي معايير الضرب للاطفال العاديين , فمع الاطفال اللي عندهم صعبات في التعلم الأمر بيختلف . .

 

لان زي ما شرحنا من شوية ان اصلا مينفعش نعمل "بوتقة" واحدة اسمها "اطفال ذوي صعوبات في التعلم" , هما في الاساس فئات و انواع مختلفة , وكل نوع محتاج اسلوب خاص في التعامل والتعاطي معاه . .

 

و بشكل عام , ينصح بعد استخدام الضرب مع اي نوع من انواع الفئة ديه من الأطفال , لأن الطفل العادي ان كان الضرب هيصنع عنده نوع من "التقويم" (ده في حالة كان الضرب باسلوب و كمية سليمة زي ما شرحنا) , فهو عند الطفل اللي من الفئة ديه , غالبا هيأذيه . .

 

ولابد انتي يكون عندك الوعي الكافي, والدراسة المستفيضة عن انواع الاطفال من الشكل ده , عشان تعرفي تتعاملي معاهم  . .

 

و هنحاول هنا نكتب نصيحة للتعامل مع بعض الانواع من اطفال "ذوي صعوبة في التعليم "

 

 

• بالنسبة للطفل اللي عنده حساسية مفرطة . .

 

 

 

• ماذا عن الاطفال اللي عندهم نوع من العصبية و البجاحة المفرطة . .

 

 

 

• طيب الطفل الانطوائي ؟ ؟

 

 

• الطفل اللي بيكون عنده "عند و اصرار" فانتي محتاجة تتعاملي معاهم تعامل قريب شوية من النوع التاني "الجرئ او البجح" , يعني شوية احتواء , علي شوية اقناع , علي شوية حزم  ,علي قليل من الضرب في الحالات الطارئة

 

 

 

• الطفل اللي عنده مشكلة أسرية , فأكيد اسوء حل نفكر فيه هو الضرب , لان هو بيعاني بالفعل من مصيبة في بيته . .

 

 

 

​

 

• لو الطفل قدرتة الاستيعابية ضعيفة , فاصلا الضرب هيزود المشكلة بشكل حاد , واياكي تحاسبيه بنفس معايير تلقي و فهم الاطفال العاديين  . .

 

 

• لو عنده شرود او سرحان مستمر , فهو محتاج نوع من "التذكير" الدائم بالواقع بتاعه , انك تكلميه بشكل شخصي , او تندهيله باسمه (بشكل لطيف من في ما تحرجيه في الفصل) , وانك تقللي بقدر الامكان المهام المملة اللي عنده  , وانه ينشغل بحاجات محتاجة تركيز وانتباه

 

 

• لو عنده فوبيا (خوف غير منطقي) من شئ محدد , فديه محتاجة طبيب متخصص من غير انتظار ,  عشان يحدد نوعها ايه ونتعامل معاها ازاي , وبديهي ان الضرب هيكون مأساة بالنسبة له

 

 

 

ربنا يقويكي و يعينك علي مهمتك , وحاولي تحتوي الجميع و تخليهم يحبوكي , لان ده المفتاح العام لكل الحلول