العنوان : طفلي المنطوي

القسم: #النفسي

الرقم: 28

السؤال:

 

طفلة سنها أربع سنين بنت وحيدة باقى أخواتها اولاد السنة دى أول مرة تنفصل عن والدتها بدخولها للروضة

 

هيا اتعودت على طفلة واحدة بس لكن هيا منطوية جدا ما بتحبش تشارك فى اى نشاط او اى العاب نهائيا باستمرار

 

عايزة تفضل قاعدة على الكرسى لو اتحيلت عليها علشان تشارك صحابها ترفض وتبقى رايحة تبكى

 

انا مش عارفة اعمل ايه

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

  

انطواء الأطفال من الاشياء اللي لابد ناخد بالنا منها , ونبذل الجهد لحلها , عشان متتحولش في المستقبل عنده لشئ اخطر . .

 

بس من حسن الحظ ان كتير من المظاهر الانطوائية للطفل , لا تعبر عن انطوائية حقيقية  ,ولكن لاسباب تانية مفيهاش خطورة حقيقية  , زي الخجل او العند , واللي غالبا بيتم حله تدريجيا مع تطور السن  . .

 

فكتير من الاطفال اللي بيمارسو اعراض الانطوائية , بيكون لاسباب اخري , وبيتغيرو تدريجيا . .

 

لكن احنا كاوصياء علي الطفل , علينا اننا نساعده بشكل مستمر , علي تجاوز ده , والاندماج في الحياة الطبيعية بشكل تدريجي   . .

 

و هننقل هنا جزء من رد علي مشكلة مشابهة لكن لفتاة بالغة مش طفلة , وان كان الكلام متاشبه معها  :

 

الشخص الانطوائي رغما عنه بيكون "عبئ" علي من حوله , سواء اقارب او اصدقاء او خطيب , و بيحتملوه فترة و بيظلو يحاولو معاه كذا مرة , لغاية لما ييأسو منه , وهيتركوه ببساطة . .

 

يعني ايه يتركوه ؟ ؟

 

يعني صديقاتك مش هيتصلو بيكي , ولا يطمنو عليكي , و لا يعبروكي . .

 

 

و الغريب ان اكتر الانطوائيين مش بيطيقو يكون معاهم شخص انطوائي زيهم , لان صحيح هو انطوائي لكن هو محتاج اللي يهتم بيه و يرعاه و يسال عليه  ,فلو ان مثلا خطيبك او امك انطوائية زيك , هتلاقي نفسك بتضايقي , وحاسة بالاحتياج البشري للتعامل معاكي . . .

 

و لأن العطاء مش هينفع من اتجاه واحد , فمش هتلاقي حد يهتم بيكي ويتكلم معاكي وانتي رد فعلك صفر بشكل مستمر , يمكن يكون الاستثناء الوحيد هي الام , اللي هترعاكي مهما كانت حالتك , بس هل انتي هتعيشي معاها للابد ؟ ؟ مش هتتجوزي ؟ ؟

 

كمان مشكلة الانطوائي انه عرضة اكتر للاصابة بالامراض و الاضطرابات النفسية . .

 

لان اساسا علاج عدد كبير من المشاكل النفسية هو تبادل الحديث , و مناقشة الافكار ,و  اثراء الحوار  . .

 

لكن مشكلة الانطوائي انه سجين افكاره و وساوسه الخاصة  ,وانه عشان مش بيتكلم مع حد فهو بس بيتكلم مع نفسه و بصفة مستمرة طول اليوم . .

 

و ده معناه انه بيتكلم و بيرد علي نفسه و يرجع يقول الكلام  فعقله يرد عليه , وتظل الدائرة مستمرة حتي الوصول لمراحل خطيرة . .

 

وبالفعل عدد كبير من الاضطرابات النفسية , سببها الرئيسي ان الشخص مش بيكلم الا نفسه , وده اللي بيصيب عدد من اللي بيتحكم عليه بالسجن الانفرادي فترة طويلة . .

 

يعني بداية من ( عقدة النقص , لاضطراب الاضطهاد , لمرحلة الهلوسة , مرورا بالفصام (سيكزوفرينيا) , وليس انتهاء بالاكتئاب . . )

 

 

الكلام مش بقوله عشان اخوفك  . لكن عشان انبهك لخطورة الانطوائية , و تأثيرها السلبي الخطير علي حياة الفرد بشكل مستمر , واهمية انك تتخلصي منه . .

 

---------------------------------------------------------------------------

 

طب ماذا عن الأعراض ؟ ؟

 

اعراض الطفل المنطوي بتكون غالبا في مجموعة النقط ديه :

 

• لا تجده يحب المشاركة واللعب مع غيره.

• يحب اللعب مع نفسه ومع الذين يعرفهم.

• يتعرف على الناس ببطء وينكمش في ثوب والدته عند التعرف على أحد.

• يخاف من الكلام مع الآخرين ولا يتعرف على زملاء المدرسة.

• لا يحب المشاركة في أنشطة اجتماعية مدرسية تحتاج إلى جمهور أو مشاركة مع الآخرين مثل المسرح، بينما تجده يحتل المراكز المتقدمة في الأعمال الفردية.

• العزلة، وحب الوحدة.

• الابتعاد عن الأشخاص الذين لا يعرفهم.

• هادئ وكتوم، عادةً لا يُظهر ما بداخله.

• يكتفي بعدد معين من الأصدقاء فتجد أصدقائه في الحياة ومعارفه محدودون.

• لا يحاول تكوين علاقات اجتماعية جديدة وروابط مشتركة بينه وبين الناس

• بعضهم مترددون وبعضهم واثق في نفسه بشكل مبالغ فيه.

• عادةً لا يقبل النقد ويشعر بالتوتر والارتباك عندما ينتقده أحد.

• عندما يحزن يحب أن يكون بمفرده ولا يخبر أحد عن شكواه

 

 

---------------------------------------------------------------------------

 

واسباب انطواء الأطفال بتكون مختلفة  ومتنوعة  . .

 

ويهمنا نتكلم عنها بشئ من التفصيل  , عشان لو فيه نقاط في ايدينا نغيرها او نتجنبها , لتجنب استمرار الانطوائية لدي الطفل . .

 

 

 

• اسباب فسيولوجية (جسدية) :

 

 

 

• الشعور بالنقص . .

 

 

 

• اسباب اسرية . .

 

 

 

• فقد ثقته في نفسه . .

 

 

 

• انهيار ثقته في الاخرين . .

 

 

 

• الرقابة المبالغ فيها علي الطفل . .

 

 

 

• التدليل الزائد من احد الابوين . .

 

 

 

• النقد المستمر و اللوم القاسي للطفل . .

 

 

 

• التفريق في معاملة الاطفال . .

 

 

 

• السخرية الدائمة منه . .

---------------------------------------------------------------------------

 

أما عن خطوات العلاج , فهي كالتالي :

 

 

 

• الذهاب لطبيب نفسي . .

 

 

• زيادة الثقة بالنفس لدي الطفلة . .

 

 

 

• عدم تحميل الطفل فوق طاقته و قدراته. .

 

 

 

• التعرض المتدرج للانشطة الاجتماعية . .

 

 

 

• جعلها تتعرف علي من تتفوق عليهم . .

 

 

 

 

•  التخلص من ادمان مواقع التواصل الاجتماعي . .

 

 

 

• الرعاية الاجتماعية للطفل . .

 

 

 

• مشاركة الابوين له في اللعب . .

 

 

 

• اقتناء حيوان في البيت . .

 

 

 

 

• تجنب الحساسية الزائدة وجلد الذات لدي الطفل  . .

 

 

• استخدام المدح والثناء والتشجيع فى التصرفات الايجابية، وتجنب استخدام الإهانة والتوبيخ والنقد واللوم.