العنوان : الخوف من المجهول

القسم: #النفسي

الرقم: 94

السؤال:

 

انا عندي مشكله الخوف من كل حاجه وبخاف اعملها علشان خوفي من اني افشل فيها وبخاف احط هدف في حياتي ومعرفش احققو فازعل او مقدرش اواجهه وبقيت بحس اني تدريجيا كل لما بكبر بحس اني عندي انطواء اكتر ومش قدره اكون اصدقاء او اتعامل مع الي قدامي

 

ومش بفهم الشخص الي اقدامي لاني مش فاهمه نفسي ومش واثقه في نفسي وخايفه جدا من الي جاي بعد كده ولما حد يتقدملي يا تري هيكون كويس ولا وخايفه من تعامل اهلي معاه واحنا لحد دلوقتي رفضين اي حد وبنقول لما اخلص جامعه

 

وانا بقول ده افضل لاني الوضع عندنافي البيت مش مستقر وبقول انو هيكون احسن لكن مفيش اي تحسن

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

أهلا بيكي . .

 

"الإنسان عدو ما يجهل" , ده التلخيص السريع لكل معاني الخوف . .

 

هتلاقي ان اي حاجة بنخاف منها , المستقبل , الموت , الضلمة , القبور . . كل الحاجات ديه احنا بنخافها عشان مش عارفين عنها حاجات كتير . .

 

بل إن الخوف الأكبر اللي منتشر وسط الناس , وهو الخوف من الجن و العفاريت و غيرها , سببه الرئيسي اننا مش فاهمينها , ومش عارفين نتواصل معاها , حتي إن البعض قالو ان لو حصل – بكيفية ما – ان بقي فيه تواصل منتظم بينا و بين العفاريت و الجن , وفهمنا لغتهم و فهمو لغتنا , وبقينا نشوفهم بوسيلة معينة , وقتها هيختفي الخوف منهم , طبعا فكرة مجنونة بس ليها وجاهتها . .

 

و بالتالي تقدري تفسري كل مواطن الخوف اللي عندكم بالمنظور ده , انتي فيه حاجات مش عارفاها و مش فاهمة تفاصيلها , فخايفة منها , ده شئ منطقي و موجود عندنا كلنا  . .

 

بس بقي الشئ الموجود زيادة عندك , هو انك بتسمحي للخوف في التحكم في مسار حياتك . .

 

يعني إن كان من الطبيعي ان كل البشر يحسو بالخوف من المجهول , فمش من الطبيعي اننا نسمح للخوف انه يفرمل حياتنا , وانه يمنعنا من اتخاذ الخطوات المنطقية الحقيقية في تناول امور الحياة . .

 

و بالتالي خوفك من الفشل جعلك مش عايزة تعملي خطوات ايجابية . خوفك من التواصل مع حد خلاكي منطوية , خوفك من اي شئ جعلك محلك سر , و ديه ازمة كبيرة

 

وانتي ذكرتي من شوية انك تفتقدي للثقة بالنفس , والحقيقة ان ده مرتبط بده , اختفاء الثقة بالنفس بيزرع الخوف من كل شئ , وكمان زيادة الخوف عند الإنسان بيضاعف عنده من ازمة الثقة بالنفس , فهتلاقي ان العنصرين دول بيزودو بعض بشكل كبير , وانتي الضحية في النهاية . .

 

لابد تبدأي تصلحي مشكلة الثقة بالنفس , وهي مقدور عليها بس محتاجة شوية تركيز , و كمان تحلي مشكلة الخوف من الفشل , وتمشي في خطوات جادة و حقيقية لاستمرار حياتك

 

و أخيرا بالنسبة للخوف من الارتباط تجبنا لمشاكل متوقعة , مينفعش ابدا الحياة تستمر كدة , و ربنا ذكر في سورة يوسف (وَمَا كُنَّا لِلْغَيْبِ حَافِظِينَ) , يعني محدش فينا يقدر يقرأ الغيب . .

 

حطي في بالك دايما حديث الرسول صلى الله عليه وسلم «عجبًا لأمرِ المؤمنِ. إن أمرَه كلَّه خيرٌ. وليس ذاك لأحدٍ إلا للمؤمنِ. إن أصابته سراءُ شكرَ. فكان خيرًا له. وإن أصابته ضراءُ صبر. فكان خيرًا له» صحيح مسلم

 

لما شخص يتقدملك , ابدئي طبقي الخطوات السليمة اللي قلناها في اكتر من رسالة في التعرف عليه و تقييمه , ومعرفة مدي توافقه معاكي , ولو لقيتي انه بالفعل مناسب ولو بنسبة 70 % , وان الصفات الأساسية موجودة فيه , توكلي علي الله و ثقي ان ربنا مش هيخذلك . .

 

--------------------------------------------------------------------

 

نيجى للنقطة التانية المهمة برضو فى الموضوع وهى انك منطوية ومتعرفيش تكونى أصدقاء .

 

ببساطة انتي معندكيش ثقة بنفسك .. والانسان اللى معندوش ثقة فى نفسه وفى قدراته دايما عايش فى صراع نفسى صعب جدا، يتمنى يكون جزء فعال فى المجتمع ولكن حاسس انه مش قادر، نفسه يندمج مع أصدقاؤه لكن مش عارف. .

 

 

 طيب ازاى نعالج النقطة دى ؟ , عن طريق كذا حاجة بالتوازي

 

 

 

• تقبل الذات :

 

 

• احترام الذات:

 

 

 

• ادراك انك محبوبة:

 

 

• لا تقارنى نفسك بأحد:

 

 

• بلاش كلمات الاحباط:

 

 

• تجنبي العزلة :

 

​