العنوان : مخارج الحروف

القسم: #النفسي

الرقم: 91

السؤال:

 

السلام عليكم ورحمة الله وبركاته

 

انا عندي مشكلة ومش عارفة اعمل فيها ايه انا عندي إحساس اني كلامى بيطلع مني مهزوز ميبين اني ثقة في نفسي قليله وإني مش بعرف أنطق الكلام حلو مع اني معنديش عيب ف النطق ولا في لساني بس مخارج الكلام عندي بتطلع غلط وبتبين اني ضعيفها فيها

 

خاصة لما اجي اقرأ بصوت عالي قدام حد وخاصة ف قرأة القرآن  وكمان نطق كلمات الانجليزى حتي لو حد بيقولها قدامي  اقولها وراه علي طول تطلع مني غلط  اعمل ايه

 

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

 وعليكم السلام و رحمة الله

 

مشكلة النطق الغير سليم , او التعلثم بيكون لها اما سبب فسيولوجي (سبب جسدي) , او سبب سيكولوجي (سبب نفسي)

 

و طالما انتي قلتي بالفعل ان مفيش اي سبب فسيولوجي , فكل الأصابع تشير الي العامل النفسي , واللي بيصنع عندك المشكلة بالكامل .

 

و غالبا لا تخرج مشكلة التلعثم من واحد من الأسباب ديه :

 

 

• التوتر :

• فقد الثقة بالنفس

 

انك من جواكي لو آمنتي انك فاشلة و مش هتعرفي تعملي شئ معين ,. فده هيتم ترجمته لتعلثم و لغبطة في الكلام , واضطراب في مخارج الحروف , خاصة لما تكوني في موقف عصيب , او الناس كلها بتبصلك

 

• الخوف من الفشل

 

وهي مرتبطة بشدة بالنقط السابقة , خوفك  من الفشل بيجعلك تضطربي اكتر عشان تتجنبي الفشل , لكن للاسف ده بيكون ليه اثار سلبية زي لغبطة كلامك و تداخل الحروف , والكلام بسرعة

 

• العصبية

 

لو عندك كمية من العصبية فديه هتزود المشكلة و هتعمل لها اثر اكبر , و اكيد انتي بتلاقي ان المشكلة بتزداد عندك في حالة بتكوني متعصبة او متنرفذة

 

 

 

• مشاكل في الطفولة

 

-----------------------------------------------------------------------------------

 

          طب و الحل ؟ ؟

                                     

احنا هنمسك اسباب المشكلة , ومنها هنعمل استخراج للحل عن طريق معالجتها نقطة ورا نقطة

         

 

• أولا الشعور بالهدوء   

 

 

 

 

• تبسيط الأمور

 

احيانا شعورك بالـ"كهربة" في بعض المواقف , بيعمل مشكلة كبيرة , لما تكبري الاحساس الخاص بمواقف معينة زي مواجهة الناس , او هتتكلمي قدام مجموعة , او هتناقشي موضوع خلافي , لما بتجعلي الشعور في المواقف ديه مبالغ فيه و متعب , فانتي هتحسي بالمعاناة في التعامل , وبالتالي التعلثم . .

 

لازم تعملي تبسيط للأمور , تنظري للموقف نظرة محايدة حقيقية , بدون تضخيم او تهويل , وبالتالي هتلاقي ان الامر مش بالحجم اللي انتي متخيلاه

 

 

• زرع الثقة بالنفس

 

وهي بالفعل  من اهم الخطوات و اصعبها , لو عندك كمية لا بأس بها من الثقة بالنفس , هتلاقي المشكلة ديه اختفت فورا , مش بس هي ,  ده كمان عدد تاني من المشاكل الاخري اللي بتحسي بيها .

 

الكلام في الثقة بالنفس يطول , ولابد من السعي وراءه بكل الطرق اللي تعرفيها

 

 

• التدريب الهادئ

 

دربي نفسك علي الحاجة اللي هتعمليها قبلها بفترة كافية , وبشكل هادي , من غير توتر ولا قلق ولا عصبية , لو عندك كلام قدام مجموعة من الناس رتبي النقط  ورا بعض , اعملي بروفة بينك وبين نفسك , او قدام حد تعرفيه (اختك مثلا) وروحي و انتي هادية و هتلاقي الدنيا بقت سهلة

 

 

• فن التعامل مع الاحراج

 

لما تكوني مثلا بتتكلمي قدام مجموعة و تقولي كلمة غلطو يضحكو , فانتي لو اظهرتي شعور الارتباك او الخجل ده هيعمق المشكلة عندك , لكن لو انتي بذكاء قدرتي تتحايلي علي الامر بنوع من الهزار , مثلا انك تقولي : انتو اش عرفكو انتو , هو ده نطقها الصح و انتو اللي  غلط يا جهلة  , لما تقوليها بهزار هتلاقي الموقف عدي بشكل ذكي من غير احراج

 

 

وأخيرا كنا بالفعل اجبنا علي سؤال قريب من ده , في رسالة : أزمة التلعثم