العنوان : الأسئلة العديدة

القسم: #النفسي

الرقم: 109

السؤال:

 

 ازاي أتخلص  من الكسل ويصبح عندي همه ونشاط ف كل الأحيان 

 

وازاي اتعلم اقول حاضر لا أي حد من ال واجب عليا طاعتهم من غير الجدال والعصبية عليهم 

 

ازاي أتخلص من العصبيه ال انا فيها 

 

ازاي أحب نفسي واحب الآخرين وازاي أضحى براحتي عشان اسعدهم 

 

ازاي أسعد امي

 

ازاي أظهر لها الحب ال جواي 

 

ازاي لما اشوف الغلط اتكلم بكل ثقه من غير خوف واهتزاز مني واتكلم عطول 

 

ازاي  أكون مصممه ع مبدئي ال انا مقتنعه واقنع ال حواليا بيه ولو مقتنعوش يبقى مفيش مشكله ليا ومدايقشي

 

ازاي اخلي أخواتي الرجاله يحكوا معاي ويهتموا لما اقوله

 

ازاي أقرب أخواتي من بعض واخليهم يحبوا بعض من غير حواجز

 

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

أهلا بيكي . .

 

انتي سألتي هنا  تقريب عن 10 نقاط , ومختلفين عن بعض بشكل كبير , مما يوحي إن السؤال بتاعك مشتت و مبعثر بشكل كبير , وان انتي محاطة بعدد كبير من المشاكل . .

 

و كان في نيتنا في البداية اننا نعتذر عن الإجابة علي السؤال و نطلب منك تختاري سؤال محدد و نتكلم عنه عشان نقدر نفيدك , لكن حسينا ان اغلب النقاط اللي قلتيها ليها منبع واحد , واللي لو تم علاجه فهتلاقي فرق ايجابي في النقط ديه بالكامل . .

 

عشان كدة هنقولك هنا عدد من النصايح , واللي ان شاء الله يكون ليها اثر ايجابي في صناعة تغيير جواكي , و في طريقة تعاملك مع الناس . .

 

 

• أكبر مشكلة شايفينها في كلامك هو فقد الثقة بالنفس , انتي محتاجة بالفعل تزرعي جواكي كمية كبيرة من الثقة بالنفس , واللي هتأكد جواكي ثقتك بامكانياتك الشخصية و قدراتك علي مواجهة مشاكل الحياة

•  

• من السلبيات اللي شايفينها كمان : التوتر و القلق اللي مستحوذ علي حياتك , و اللي مخليكي عايشة في دوامة لا تنتهي من المعاناة و المشاعر السلبية , وكمان من المواجهات الغير مناسبة مع الناس , ومن الفشل اللي ممكنم تواجهيه في مواقف مختلفة , فلازم فعلا تتخلصي من كمية التوتر و القلق اللي عندك

•  

• انتي محتاجة تصنعي حالة نجاح جواكي عشان يكون قدامك مثال عملي علي التفوق اللي عملتيه , و بالتالي تتشجعي لتكراره في مواقف مختلفة

•  

• كمان لازم تعملي نوع من ترتيب و تنظيم حياتك , يكون عندك خطوة واضحة بأهداف و وسائل للتنفيذ و اطار للمتابعة

•  

• خططي حياتك بحيث تحتوي علي كميات متوازنة من كل الجوانب المطلوبة , من مذاكرة لقراءة عادية لحاجات مسلية للجانب الاجتماعي و بالطبع الجانب الديني , حاولي تحافظي علي التوازن بين الجوانب ديه بالكامل , عشان ميحصلش نوع من طغيان جانب علي جانب فأثر سلبا علي حياتك

•  

• اتعلمي مبدأ الموازنة في التفكير , وانك تعرفي امتي تصري علي رأيك و تعارضي اللي قدامك , وامتي تصغي باهتمام لرأيهم و تسمعي لهم , ده شئ بالغ الأهمية و هيفرق كتير معاكي