العنوان : ثلاث مرات

القسم: #النفسي

الرقم: 08

السؤال:

 

انا باعجب وبنبهر بسرعه سواء اشخاص او اشياء وبرتبط بيهم بسرعه حتي الطعام والشراب

 

لو كررت الحاجه 3مرات بارادتي او بالصدفه تصبح عاده

 

وبثق في كل الناس وبيصعبو عليا وبحاول ابطل مش عارفه

 

*-*-*-*-*-*-*-*-*-*-*-*-*-*-*-*-*-*-*-*-*-*

 

 

الإجابة                    :

 

 

انتي ذكرتي هنا 3 امور مختلفة , وقد يكون فيه نوع من الارتباط بينهم   . .

 

الشئ الأول سرعة اعجابك باشخاص او اشياء او اكلات . .

 

الشئ التاني ان عندك نوع من الرغبة الداخلية لتكرار اي شئ 3 مرات

 

الشئ التالت سرعة الثقة في الناس من غير تفكير . .

 

خلينا نمسك نقطة نقطة . .

 

 

و المشكلة الاهم فيهم هي "سرعة الاعجاب بالاشخاص" ممكن تكون خطر لو وثقتي فيهم سريعا , وهي اللي هنتكلم عنها في النقطة التالتة . .

 

لكن باستثناء ده  ,فمش هنقدر نفيدك في حاجة انتي مذكرتيش اي نوع من الضرر منها . .

 

 

 

الوسواس القهري من الامراض النفسية الشائعة جدا علي مستوي العالم , و بيتدرج في قوته من المستوي البسيط جدا الغير مؤثر , لغاية المستويات المخيفة اللي قد تؤدي للانتحار . .

 

و ببساطة بيكون معناه و ان فيه شئ غير ضروري , لكن الشخص لازم يمارسه . .

 

يعني لو حد بعد ما خلص أكل غسل ايده  ,فده تصرف طبيعي لاي انسان . .

 

لكن واحد يغسل ايده كذا مرة بعد ما يعمل اي حاجة في حياته , حتي لو يسلم علي اخوه , ده وسواس قهري . .

 

ان الواحد يختار اول تاكسي يشوفه ده منطقي . .

 

لكن انه يعد خامس تاكسي في الموقف و يختاره بالتحديد , ده اللي قصدنا عليه . .

 

نؤكد , الوسواس القهري هو اصرار الشخص انه يعمل شئ غير ضروري وهو حتي مش عارف ليه , عشان كدة اسمه وسواس , لان الفكرة تكون موسوسة ليه بشكل مستمر , وقهري لانها بتغلبه دايما. .

 

 

برضه وارد اللي عندك ميكونش "اضطراب الوسواس القهري" , لان زي ما قلنا ممكن يكون بس نوع من الاستحسان انك تعملي الحاجة 3 مرات  ,او بتتفائلي بيها لما تتعمل . .

 

و بيكون فيه سؤال صغير بنسأله للي بنشك انه عنده وسواس قهري  , عشان نحدد يا تري اللي عنده شئ سطحي منقلقش منه , ولا مشكلة لازم تتحل . .

 

السؤال هو : يا تري هل لو تعارضت الرغبة اللي جواه , مع مصلحة حقيقية , هيختار مين فيهم ؟ ؟

 

لو اختار المصلحة اللي هتضيع , يبقي معندوش اي وسواس , لكن بس رغبة عادية جواه  . .

 

لكن لو اختار الشئ اللي بيلح عليه , يبقي هو بالفعل مصاب بالمرض . .

 

فلو ان الشخص اللي لازم يركب خامس تاكسي , لو هو نازل متأخر جدا علي معاد القطر , ولازم يركب اي حاجة يروح المحطة فورا , لو هو تخلي عن رغبته في اختيار خامس تاكسي , وقتها هو مش مصاب بالمرض ولا حاجة . .

 

لكن لو هو اصر و اصابه العناد اني مش هركب الا خامس تاكسي اشوفه , حتي لو ضاع عليا القطر , يبقي عنده مشكلة  . .

 

او لو هو تم اجباره علي كسر رغبته , وهو كان متضايق و غضبان و معترض , يبقي برضه مصاب بالمرض . .

 

طبعا لو فيه سبب منطقي ورا اللي رغبته (مثلا اول تاكسي ده بطئ) فاكيد ده بيخرج خارج اطار المرض . .

 

فانتي جاوبي علي السؤال بنفسك وشوفي . .

 

و الحقيقة اننا – كصفحة علي الفيسبوك  - منقدرش نفيدك بعلاج الوسواس القهري , مش لأن علاجه صعب , لكن لانه محتاج طبيب نفسي , وعيادة و كشف و اختبارات تقيس مدي شدة المرض , ويكون فيه كورس علاج بوقت معين , سواء علاج سيكولوجي , او دواء . .

 

يعني الوسواس مش من الحاجات اللي بتتعالج بكلمتين الواحد يقراهم  , لكن بالذهاب لمتخصص . .

 

---------------------------------------------------------------------------

 

 

بالنسبة لسرعة الثقة في الناس , احنا بالفعل جاوبنا من ايام علي سؤال مشابه ليه تماما بعنوان الثقة العمياء