العنوان : زوجي و الجبس

القسم: #النفسي

الرقم: 10

السؤال:

​

انا زوجى مش بيعملنى كويس غير لما يكون مجبسنى من غير ما اكون مكسورة

 

اتكلمت معاه كتير يقولى انا بحس انى انسان جديد

 

قلتلو تعالى نروح ل دكتور نفسى ونعرض عليه حالتك مرديش

 

ولما مش بطوعة انه يجبسنى بيقعد يجيب المتجبسين ع اليوت يوب

 

وعملى جبس ف البيت عشان وقت ميعوزيشوفنى متجبسة بيلبسهولى

 

وانا زهقت من كدة وعملت مشاكل كتير ووقفت ع الطلاق كذة مرة بس ال ف دماغو ف دماغو ومش عارفة اعمل ايه نفسى الاقى حل

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

 

سلام عليكم يا فندم

 

سلوك غريب من شخص بالغ , يجعلنا نشك فورا في وجود اضطراب حاد في شخصيته . .

 

انتي مقولتيش اداءه في باقي الأشياء الروتينية الاخري عامل ازاي , يعني بيشتغل ويروح شغله بانتظام ؟ بيتعامل مع اقاربه و اصدقائه بشكل عادي  ؟ ليه اصدقاء اصلا ؟ , هل بيخرج ولا اغلب الوقت في البيت ؟ هل فيه اي اعراض انفصام  ؟ وسواس قهري ؟ هلوسة ؟

 

 

المعلومات ديه هتحدد هل هو بالفعل يعاني من مشكلة , ولا مجرد هواية غريبة عنده هو بيحبها لسبب مجهول . .

 

لو كان هو انسان طبيعي في كل الامور , وبس الهواية ديه اللي مستحوذة عليه  , فقد يكون الموضوع بسيط , ومش محتاج قلق , لكن محتاج استشارة برضه . .

 

لو فيه اعراض معينة مصاحبه ليه , فده مؤشر خطير , إن  اللي عند زوجك حالة من حالات اضطرابات الشخصية  ,واللي محتاجة استشارة عاجلة من طبيب نفسي , ومفيهاش تأخير . .

 

احنا كصفحة مش هنقدر نفيدك للأسف , لان ديه محتاجة زيارة فعلية لعيادة الطبيب عشان يشوف الوضع , ويحدد مدي خطورته , وبناء عليه يتخذ القرار العلاجي المناسب . .

 

لو هو وافق يروح للدكتور يبقي كويس , لو منفعش حاولي تصوريه فيديو وهو بيقوم بمهمته ,و انتي مستسلمة ليه عشان يندمج و يكمل عملية التجبيس , وبعدها خدي الفيديو وروحي لطبيب نفسي فورا

 

وياريت يكون بمعلومية حد من اقاربه اللي متفهم حالته , ويفضل الأب او الأم او الأخ أو الأخت , عشان الدكتور لو عايز يستسفر عن اي شئ متعلق بالتاريخ المرضي للاسرة

 

مش هنقدر نفيدك باكتر من النصيحة المهمة ديه , لأن مفيش اي صفحة علي الفيس , تقدر تحل محل طبيب نفسي متخصص , واحنا دورنا يقتصر علي النصح و الارشاد , لكن العلاج النفسي حاجة اكبر و اعقد . .