الفتاة السهلة
الرسالة السابقة
العنوان : الفتاة السهلة
القسم: #الاجتماعي
الرقم: 45
السؤال:
هو لو واحدة بتحب حد خطيبها عادي يبوسها ؟
اصل في صحابي كتييييييير كده
*-*-*-*-*-*-*-*-*-*-*-*-*-*-*-*-*-*-*-*-*-*
الإجابة :
ثانيا لا طبعا مش عادي علي الاطلاق
من ناحية ده ذنب كبير جدا , ومن ناحية هو بوابة انه يعمل كبيرة من الكبائر و العياذ بالله.
و الاهم من كدة , ان الخطيب اللي بيبوس خطيبته , يبقي غالبا مش هيتجوزها
لان اللي بيدوق حاجة قبل الجواز . مش بيحبها بعد كدة , لان هو خلاص تعامل معاها علي انها "سهلة" و "متاحة" , والأسوء "رخيصة"
ده غير ان دماغه هتفكر في حاجة , ان طالما هي اتباست واتحضنت من خطيبها , يبقي ايه اللي يمنع انها تكون عملت كدة قبل كدة . لازم دماغه هتفكر في ده
لأن هو حاسس ان طالما هي بالفعل وافق علي "التجاوز" ده معاه . فايه اللي يضمن انها معملتش كدة او اكتر كمان مع غيره قبل كدة .
و الشباب اللي من النوعية ديه - ربنا يهديهم – هو يعمل تجاوزات شرعية ايوة , بس يحب اللي يخطبها تكون في قمة الادب و الاخلاق و الشرف , وتكون "متلمستش" قبل كدة
فهو يعك براحته مع بنات الناس , لكن في الجواز يدور علي بنت الحلال اللي مش بترفع عينيها من الارض .
طبعا هي معايير مختلة , ولازم يعرف ان : كل ساقي سيسقي بما سقي , وان اللي بيعمله في الناس هيطلع عليه بشكل , او بآخر .
فاعرفي انه بالفعل مش هيتم بيكي ولا هيعرفك بعد ما يشبع منك
-------------------------------------------------------------------------------
كمان الخطيب اللي يبوس خطيبته مفيش مانع انه يكون عمل كدة اصلا قبل كدة .
يعني ان كان هو يسمح لنفسه انه يعمل تجاوز شرعي مش قليل , مع واحدة مش مراته , فايه اللي يمنع ان هو يكون عمل زي كدة او اكتر بالفعل مع بنات غيرك .
ايه اللي يضمن انه بالفعل مخلص ليكي في اللحظة ديه , يعني وانتو مخطبوين ؟ ؟
طالما انهار الحاجز الديني , اللي بيمنع الانسان عن المعاصي ,فمفيش اي شئ يضمن اخلاص ووفاء اي طرف للتاني
فالباب ده يتقفل فورا من غير نقاش ولازم تعيدي تقييم هل هو اصلا انسان محترم ويستاهل انك تتجوزيه ولا لا
لان اللي بيسعي ورا شهوته وهو لسة في الخطوبة , ممكن يسعي ليها برة البيت لما يحصل زواج
اللي مش عارف يقاوم نفسه عن الحرام قبل الخطوبة مش هيعرف يقاوم نفسه عن الحرام مع بنات تانية بعد ما يتجوز
ليه ؟
لان بعد الجواز اصلا الشاب بيتعود علي مراته مهما كانت جميلة و مثيرة
يعني ده اللي هيتجوز اجمل و ارق انسانة في الكون , بعد سنة و سنتين هيتعود علي جمالها و رقتها و تعاملها .
وأول ما هيتعوج , هيفكر لبرة فورا . .
و بالتالي مش هيمنعه من انه يبص لبرة الا اخلاقه و قيمه و دينه .
و بتلاقي في اوروبا و امريكا وروسيا , وعلي الرغم من معدلات الجمال و الوسامة عالية عند الرجالة والستات , الا ان معدلات الخيانة الزوجية في ارتفاع مستمر لدي الطرفين , وبتلاقي دة بيكون فيه اتفاق ضمني في كتير من الحالات , انا هخونك و انتي هتخونيني , وانا عارف وانتي عارفة , ومحدش هيحاسب التاني علي حاجة .
فالوازع الاخلاقي و الديني عند الزوج او الزوجة , هو اللي بيضمن استمرار حالة الوفاء و الاخلاص بينهم بعد الزواج , فحرام عليك انك تدمريه بايدك في فترة الخطوبة
ببساطة اقفلي الباب معاه خالص وقوليله عشان ربنا يبارك في حياتنا بعد الجواز مش عايزين نعمل حاجة تغضبه من اولها
اما بالنسلبة لاصحابك فببساطة , هما غلط .
ومعرةف ان انتشار الخطأ لا يبرره , ولا يجعلنا نعيده .
طب ما هو في اوروبا البنت بتحمل من غير جواز عادي , هل ده يبقي صح ؟ , هل او اسرة عربية مقيمة في امريكا , خلاص يدمرو نفسهم باديهم ؟
انتي عندك معايير و قيم مختلفة عن اللي عند صاحباتك , هما يعملو اللي عايزينه , وانتي اختاري طريق صحيح لحياتك وتعاملك .
لانك انتي اللي هتستمتعي بحياتك الزوجية الجميلة لو نجحت , و هتتأذي من الألم المستمر فيها لو فشلت ربنا يحفظنا
اقفلي الباب و ريحي نفسك , و عرفي خطيبك ان ده مش عشان حبك قل , لكن عشان ده التصرف الصح .
ولو هو بيحبك بالفعل هيسمع كلامك , و هيمسك نفسه لغاية كتب الكتاب .
لكن لو اصر علي ده , فتعرفي ان جواه رغبة تانية غير سوية , و مش سليمة , و انه عايز يشبع غريزته مش اكتر .
لاحظي انه هيكلمك باسم الحب , وانك اتغيرتي , ومش بتحبيني , وكام كلمة زي كدة , عشان تليني و تسمعي كلامه , بس اياكي .
لان ببساطة ده مش حب , ديه شهوة , وفي غير موضعها ,مترخصيش نفسك , ومتدخليش في مساحة غير سليمة
ربنا يوفقك يا رب