العنوان : الإحتمالات الأربع

القسم: #العاطفي

الرقم: 25

السؤال:

 

السلام عليكم...شكرآ على مجهودكم...صفحتكم من اروع الصفحات يلي شفتهن بحياتي...

 

سؤالي/ تغير مزاجية الانسان يؤثر على الناس يلي حوليه..كيف يمكن فهم تغير تصرفات رجل على خطيبته وادعاءه عدم الاتصال بيها وخلق مشاكل بينهم..؟

 

يعني انا عمري  23 و خطيبي 30

 

من فتره كان يهتم..وكان شخص واضح انه يحب بجد..بس بعد مرور سنتين سافر لي مدينه ثانية ومن بعدها قعد يقل اهتمامه..كل ما نحكوا مع بعضنا يصير سوء فهم واحيانآ خلافات كبيرة..توصل معاه انه يستفزني بكل كلمه يقولي وكأني نحكي مع شخص ما يحس بأي مشاعر تجاهي..

 

ليه حاليآ سنه كاملة وهو يختلق في اعذار ما تخلينا نحكو مع بعضنا..

 

يقول انه من ضغط الدراسة...احيانا يقول انه مريض بيموت ومكتئب ومريض نفسي..احيانا يتناقض في كلامه ساعات يقول كلام وساعات يغير في كلامه..

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

 وعليكم السلام و رحمة الله و بركاته . .

 

من الوصف اللي قلتيه , فيه أربع إحتمالات واردة , ممكن يكون هو بالفعل عنده شئ منهم , او مزيج بين احتمالين مع بعض . .

 

• الإحتمال الأول : لازال يحبك , لكن ده من تأثير المسافة و البُعد بينكم

• الإحتمال الثاني : إن بالفعل فيه ضغوط نفسية

• الإحتمال الثالث : إن الحب اللي بينكم كميته قلت بسبب التعود او مشاكل أخري

• الإحتمال الرابع  : وجود واحدة تانية في حياته بالفعل

 

تعالي نتكلم عن كل احتمالية علي حدة , وفي كل نقطة هاتكلم عن النقط اللي تظهر لك هل الإحتمال ده حصل ولا لأ  , وكمان كيفية التعامل معه . .

 

----------------------------------------------------------------------------------

 

الإحتمال الأول : لازال يحبك , لكن ده من تأثير المسافة و البُعد بينكم

 

و دلائل حدوث الإحتمال ده كذا نقطة :

 

• إنه يكون مخلص و صادق معاكي

• إن علاقات بباقي اصدقاءه اللي مشافهومش من وقت سفره تكون قليلة

• انه يكون قليل التواصل مع أهله و اقاربه اللي هو بعيد عنهم

• إنه يكون شخص هوائي و مزاجي شوية

 

لو إنتي حسيتي إن النقاط الأربعة ديه موجودة فيه , فممكن يكون هو بالفعل لازال يحبك , لكن عدم التواصل هو بسبب المسافة اللي بينكم , وده اللي بيحصل مع العديد من أنماط الشخصية

 

و للتعامل مع الحالة ديه , ممكن تعملي كذا خطوة :

 

• اجعلي التواصل معاه لفترات قصيرة , لكن عدد مرات أكتر , يعني بدل ما يكون اتصال واحد اسبوعي , والاتصال لمدة ساعتين , يكون الإتصال يومي , لكن لمدة 10 دقايق

•  إنه يحاول يقلل من فترة سفره , وتتخللها اجازات كل عدة اشهر للرجوع اليكي و زيارتك

• لو فيه إمكانية انتي و أحد افراد اسرتك (اخوكي او والدك)  , تسافري كسياحة للمدينة اللي عايش فيها و مقابلته

• يتم تحديد جدول زمني واضح للزواج , بدلا ما يكون الأمر ممطوط

• الذكاء في إنشاء مواضيع متجددة للكلام  كل مرة , لتجنب الشعور بالملل

 

-----------------------------------------------------------------------------------------

 

الإحتمال الثاني : إن بالفعل فيه ضغوط نفسية

 

و دلائل حدوث الإحتمال ده كذا نقطة :

 

• إن يكون هو شخص سريع الإصابة بالضغوط النفسية بشكل عام

• إن يكون هو حدث له بالفعل عدد من الضغوط النفسية قبل سفره

• إن يكون فيه تأثير سلبي معين علي عمله او دراسته هناك

• إن يكون فيه تأثير ما للضغوط أثناء حديثه مع اصدقاءه و أهله و أقاربه , مش انتي لوحدك

 

 

و للتعامل مع الحالة ديه , ممكن تعملي كذا خطوة :

 

• إنه لابد يذهب لطبيب او أخصائي نفسي , للكشف و المتابعة

• لابد هو يشوف ايه سبب الضغوط النفسية و يبدأ في حلها , لو كان ديون او مشكلة دراسية او شئ تاني

• إنه يحاول ياخد اجازة و ينزل مدينته الأصلية , كنوع من الترويح علي النفس , والتخفيف من الضغوط اللي حاسس بيها

• لازم انتي تعملي إعادة تقييم للموقف كله  , لو الضغوط النفسية تفاقمت , وتقرري هل هتقدري تستمري معاه لو الضغوط زادت ولا لأ

 

-----------------------------------------------------------------------------------------

 

الإحتمال الثالث : إن الحب اللي بينكم كميته قلت بسبب التعود او مشاكل أخري

 

يعني هو معندوش مشكلة نفسية أو ضغوط , لكن كمية الحب اللي كانت عنده لكي قلت لسبب ما , أحيانا بسبب طول فترة الخطوبة , او التعود , او وجود مشاكل تانية بينكم

 

و دلائل حدوث الإحتمال ده كذا نقطة :

 

• انه يكون نادر الاتصال بيكي

• لما يكلمك يكون مخنوق شوية , وعايز المكالمة تنتهي سريعا

• يكون سريع الغضب معاكي

• يكون سعيد و بيضحك لما يتكلم مع حد من أصدقاءه او اقاربه

• يعمل تسويف لفكرة الزواج لما تتفتح

 

و للتعامل مع الحالة ديه , ممكن تعملي كذا خطوة :

 

• لازم تتخذي قرار هل هتستمري معاه ولا لأ في الحالة ديه

• تعملي مصارحة معاه ان مشاعره تجاهك قلت , و هل انت عايز بالفعل الخطوبة تستمر ولا لأ

• تحاولي تحلي اي مشاكل تانية تحدث بينكم , لزيادة فرصة التقارب و الألفة

• تستعيني بحد من أقاربه ذوي الحكمة , للتواصل معاه و محاولة حل المشكلة

 

-----------------------------------------------------------------------------------------

 

الإحتمال الرابع  : وجود واحدة تانية في حياته بالفعل

 

و دلائل حدوث الإحتمال ده كذا نقطة :

 

• يكون قليل الاتصال بيكي

• يكون كثير الأعذار الغير مقنعة

• يدعي إنه مشغول في الشغل او الدراسة , لكن بالفعل هو غير ذلك

• لما يكلمك يكون لطيف معاكي و يصطنع المودة بشكل غير طبيعي

• او لما يكلمك يكون سريع الغضب

• يكذب عليكي اكتر من مرة

 

و للتعامل مع الحالة ديه , ممكن تعملي كذا خطوة :

 

• المصارحة فورا ان فيه شئ غلط انت بتعمله و انا مش مستريحة ليه

• إعطاءه مهلة محددة انه يرجع لمدينته و يستمر في الزواج , بدلا من الأوقات الغير محددة

• السؤال بشكل مباشر , هل انت لازلت متمسك بيا أم لا

• لو وجدتي انه مش واضح معاكي و مصر علي نفس الأسلوب , فلازم تقرري هل هتستمري معاه ولا لأ

 

--------------------------------------------------------------------------------------

 

ديه كانت الإحتمالات الأربعة اللي ممكن تكون فيه

 

ولاحظي ان الدلائل اللي قلناها مش أكيدة 100 % ,  يعني كفاءتها في التشخيص مش كبيرة , هي مجرد إشارات الشخص يسترشد بها , لكن مش مؤكدة تماما , لأنها تختلف من شخص للتاني . .

 

اعملي إعادة تقييم للموقف كله بناء علي المعلومات ديه , وشوفي المناسب و إن شاء الله ربنا يختار لكي الأصلح