العنوان : النقد اللاذع

القسم: #الاجتماعي

الرقم: 106

السؤال:

  

جوزي تاعبني جدا في كمية لانتقاد و اللوم اللي بيقولهالي يعني بشكل يومي فعلا حتي لو مكنتش عاملة اي غلطات . لما بقيت عصبية و بقي صوتي عالي دايما

 

احيانا بيكون طيب معايا بس غالب الوقت بيتعامل معايا بشكل سخيف ببقي مش قادرة استحمله فعلا ايوة انا باجل الحاجات في البيت اجيانا بس بيكون غصب عني

 

كمان كل ما اقوله علي فلوس اشتري حاجات للبيت يحاسبني علي كل صغيرة و كبيرة لما زهقت

 

اعمل معاه ايه

 

 

*-*-*-*-*-*-*-*-*-*-*-*-*-*-*-*-*-*-*-*-*-*

 

 

الإجابة                    :

 

أهلا بيكي يا فندم

 

علي الرغم من النقاط السلبية المذكورة في الرسالة , وعلي الرغم من الإختلافات الملحوظة بينك و بينه , الا ان الطلاق ممكن ميكونش هو الحل حاليا , واحنا بالفعل شايفين بدائل متوافرة ممكن تمشي فيها . .

 

ايوة الحياة بينكم مش الحياة المثالية , ومفيهاش الحب الرائع , لكن علي الأقل فيه مساحات مشتركة ممكن تضمكم مع بعض , بحيث مركب الحياة يسير بيكم من غير منغصات . .

 

تعالي نحاول نسردلك عدد من النصايح , اللي ممكن تفيدك بشكل كبير في اصلاح عدد من المشاكل الموجودة , وتحمل عدد تاني منها . .

 

 

•  
•  

 

 

 

 

 

 

أحيانا بيكون من الذكاء لما يكون قدامي شخصية انتقادية اني اتوقف عن الجدال معاه ومحاولة اقناعه , احيانا بيكون من الذكاء اني "اخده علي قد عقله" , واني اتوقف عن اقناعه ان انا صح و انت غلط , حتي لو انتي كنتي علي حق , اتعودي من دلوقتي انك تعدي بعض الكلام , وتوافقيه عليه عشان تقفلي اي باب للجدال ملوش لازمة

 

احيانا بيكون فيه امكانية انك تنبهيه علي اثار سلبية لحاجات هو مهتم بيها  , لما تنبهيه مثلا علي اثر الكلام السلبي اللي الاولاد بيسمعوه , فلو فيه فرصة تعرفيه النقط ديه , بس يكون في وقت هو رايق فيه , وتحطي ايده علي المشكلة , ممكن يغير من اسلوبه تدريجيا

 

بالنسبة للبخل , فممكن تستخدمي اسلوب انك : ترمي الكورة في ملعبه , يعني ان كان هو بيتهمك بالاسراف في مشتريات البيت , خليه هو بنفسه ينزل يشتري الحاجات و ويقابل الاسعار بشكل فعلي و تدريجيا هيعرف ان الواقع فعلا صعب , ونفس الاسلوب ده هيحل مشكلة فقدان الثقة في التعامل معاكي و انه بيحاسبك علي كل حاجة

 

 

 

 

 

 

فملخص الكلام , ان هو انسان فيه عدد من العيوب , لكن بشكل ما من النوع المحتمل , وبعضها قابل للتغيير , وفي المقابل عنده عدد من المميزات , اللي ممكن تجعل فتح البيت مستمر . .

 

فنصيحة متفكريش في الطلاق  , و حاولي توصلي دايما معاه للمساحة المشتركة , واللي اكيد هتلاقي فيها اللي انتي عايزاه

 

بالتوفيق دايما يا رب

​