العنوان : الإحساس بالعجز

القسم: #الاجتماعي

الرقم: 99

السؤال:

 

السلام عليكم انا مدام وعندي 30سنة عندي ثلاث اطفال متزوجة من 6 سنوات.

 

انا مشكلتي ان زوجي تحول بعد الزواج لشخص عصبي جدا واعتاد ضربي وتوبيخي بطريقة صعبة ويريدني ان اخاف منه بسبب الضرب فلم يجد معي الضرب نتيجة فاصبح يمنعني من الكلام والعتاب يريد ان ياخذ حب وتعاطف واهتمام فقط دون يقف بجانبي عندما احتاجه او اتعب نفسيا بسبب مشاكل مع اهلي اوضغط الاطفال الرهيب

 

و دايما بيضربني قدام الاطفال وكلمته كتير انه يراعي نفسيتهم بس ثورته مؤذية وغضبه اعمي.

 

مع العلم ان اكبر طفل عندي عنده 4 سنوات يريد ان ياخذ فقط عنده مشكلة في عمله وعنده احساس بالعجز الدائم والاحباط ولا يتحرك ليطور من نفسه في اي شئ هو يعمل مع اخوه

 

وعندما حدثت مشاكل بينه وبين اخوه في العمل واخوه اظهر عدم ادب واحترام له مع العلم انه اخوه الصغير قلت له اتركه وخذ ذهبي وبعه واستقل بعيدا عنه لم يتحرك  والان هو خائف باستمرار وقلق باستمرار حتي النوم ارق باستمرار واصبح في الايام الاخيرة كل شوية في حال مرة يكون معي في احسن حالات الحب وفجأة في لحظة يتحول لشخص وحشي وعصبي ويفزع اطفالي من صوته الرهيب ومصر اني انا التي اجعله عصبي وانه غير متقبلني واني اصبحت كبيرة سنا كان سيدة عجوز

 

انا فعلا جادة كشخصية وعندي مشكلة مع شكلي اني لااري نفسي جميلة مع ان الجميع يشهد باني جميلة لذلك غيرتي تضايقه وكلامه دائما اني كبرت تؤكد احساسي بعدم ثقتي بنفسي مماجعلني في حالة نفسية سيئة في الفترة الاخيرة حاولت اني اعمل حتي ترجع لي ثقتي بنفسي قليلا لكنه رفض رفض تام بدون اسباب واضحة لا اعرف كيف اتعامل معه وكيف اجعله يتحرك ويتقدم في حياته لان بهذه الحال ستسؤ حالتنا المادية والنفسية

 

بحس ان عنده مشكلة نفسية خاصة لما كان طفل ابتهدل ياما من سوء معاملة امه ليه

 

 

*-*-*-*-*-*-*-*-*-*-*-*-*-*-*-*-*-*-*-*-*-*

 

الإجابة                    :

 

وعليكم السلام و رحمة الله  . .

 

للأسف انتي اتعرضي لظلم كبير , ومعاناة مستمرة , علي ايد زوجك , اللي من ناحية هو بيعاني من مشاكل نفسية عديدة لها جذور في الطفولة , ومن ناحية مش قادرين نقول عليه انه برئ من الظلم الكبير , والمعاملة القاسية اللي بتشوفيها منه

 

زوجك محتاج يعرض نفسه على دكتور نفسى لان واضح جدا انه مشاكل وعقد من الطفولة ، تراكمت جواه واصبح بيمارسها عليكى دلوقتى من اهانات وضرب واحساس بالفشل وضعف الثقة بالنفس . .

 

و ده اللي طلع كله عليكى بالضرب والسب والاهانة وكمان قدام الاطفال يعنى مش بس بيسبب مشاكل نفسية ليكى لا دا كمان للاولاد .. اللى بعد كده فى مرحلة هيكرهوه ويشفقوا عليكى ، و كمان لما يكبروا شوية هيكرهوه اكتر ويحتقروكى ، و بعها هيكرهوه وهيضربوكى "زي ما بيعمل معاكى ".. فحاولى تبعدى عنه لما يتعصب وتروحى لأوضة تانية او اى مكان لحد ما يهدى.

 

فالموضوع ضرورى محتاح طبيب نفسى يعالج كل الاثار السلبية اللى اصبحت جواه من الطفولة نتيجة الازمات المختلفة اللى مر بيها.

 

-------------------------------------------------------------------------------

 

و العلاج ممكن يكون بكذا خطوة بالتوازي  :

 

• الجانب الدينى :  اللى واضح اوى انه ما يعرفش كتير فى الدين ولا اتعلمها من امه او ابوه وواضح ان الاسرة مشتتة ومالهاش اسس تربوية قوية ، وانتى مشكورة ساعدتيه كتير يتغير للاحسن سواء بالصلاة او بالعبادات الاخرى

 

•  الجانب النفسى  : وده بقى زى ما قولت محتاج اخصائى فى الامراض النفسية يعالجه، وكتير اوى الناس بتروحلهم ومش معنى كده انهم مجانين ، الطبيب النفسى دلوقتى اصبح من اكتر الدكاترة المطلوبين واللى ناس كتير بتروحلهم ، نتيجة الازمات الكتيرة وصعوبة الحياة فمش عيب ابدا يروح وحاولى تقنعيه لان الموضوع اصبح لا ينفع معاه النصيحة ولا ينفع معاه الشدة.

  

• كمان لازم تربي اولادك علي تجنب كل الصفات السلبية اللي شافوها في ابيهم , عشان متكررش المأساة تاني لما يكبرو

 

• و بالنسبة لك انتي , متنتظريش كلمة كويسة من حد , انا عارف ان الزوجة من حقها انها تسمع كلام مناسب و جميع من زوجها , لكن للأسف , نصيبك ان زوجك عنده اضطراب نفسي عميق , يمنعه عن ادراك ده , انتي اللي تصنعي ثقتك بنفسك من نفسك , مش من حد تاني

 

• لازم تقاومي الضرب و الإهانة , مش من حق زوجك ابدا انه يضربك بالشكل المخيف ده , و بعض الأزواج بيتلمو لما الزوجة ترد عليه , فشوفي هل فيه امكانية انك تقاوميه في الضرب او حتي تردي الضرب بضرب او بزعيق , بعض الازواج لما بيلاقو مقاومة من الزوجة , بيختلف تعاملهم معاها

 

• لو ضربه زاد عن الحد , فممكن تعملي محضر في القسم ضده , المحضر مش هيخليه يتسجن , بس هيعرفه ان الموضوع جد مش هزار , وان الضرب شئ ممنوع اساسا في الزواج , لان ضوابطته كتير وهو مش فاهمها

 

• لو حسيتي انه الحياة بينكم بقت مستحيلة بسبب تعامله او ضربه او اهانته , فممكن تفكري في ابغض الحلال , باعتباره هيكون المنفذ الوحيد , وان شاء الله متوصليش للمرحلة ديه